Հայերեն

«դժվար» ժեստը հայերեն ժեստերի լեզվով

  Արտասանություն

ՄՀԱ: []

վանկեր՝ դ(ը)ժ•վար 

Ստուգաբանություն խմբագրել

Փոխառություն իրանական աղբյուրից՝ *dužvar. հմմտ. պարթևերեն dižvār, միջին պարսկերեն dašxvar, պարսկերեն dušvār:

Ածական

  1. շատ աշխատանք և ուժերի լարում պահանջող, հոգնեցուցիչ, աշխատալից, նեղություն պատճառող ◆ դժվար գործ
  2. ծանր, անտանելի ◆ դժվար կացություն, վիճակ
  3. բարդ, խրթին ◆ դժվար դաս, վարժություն
  4. տանջալից, չարչարալից, մեծ տանջանքներ պահանջող ◆ դժվար ծնունդ, ծննդաբերություն
  5. ծանր, վտանգավոր վիճակում գտնվող ◆ դժվար հիվանդ (ժղ․)
  6. անախորժություն, դառնություն պահանջող ◆ դժվար է վերհիշել այդ տանջանքները
  7. դժվարություններով, նեղություններով, զրկանքներով լի ◆ դժվար կյանք, ապրուստ
Հոմանիշներ խմբագրել
  1. դժվարին, տաժանելի, դժնդակ, ծանր, տատասկոտ, փշոտ, անհեշտ, պատաղավոր, զոռ (փխբ․), (հզվդ․), (բրբ․)
  2. բարդ, կնճռոտ, խրթին, դժվարալուծելի, դժվարիմաց (խրթին, հարց)
Արտահայտություններ խմբագրել
  1. դժվար թե - հազիվ թե, կասկածելի է, անհուսալի է
  2. դժվար թե (կամ հազիվ թե) հնարավոր լինի գերագնահատել - այնպիսին է, որ ամենաբարձր գնահատումն էլ գերագնահատություն չի կարելի համարել, ամենաբարձր գնահատության է արժանի
  3. դժվարը գալ - դժկամել, նեղանալ (ժղ․)
  4. դժվար տեղը գցել, ձգել - տե′ս նեղ տեղը գցել
  5. դժվար տեղը ընկնել - տե′ս նեղ տեղը ընկնել
  6. դժվար տեղից դուրս բերել, հանել - նեղությունից, փորձանքից ազատել
  7. դժվար տեղից դուրս գալ - նեղությունից, փորձանքից ազատվել

Աղբյուրներ խմբագրել