զգալ

Հայերեն

• ՄՀԱ՝ [zɡɑl]

վանկեր՝ (ը)զ•գալ 

Ստուգաբանություն

Կազմված է զ- նախածանցով՝ գալ բայից։ Ավելի հավանական է իրանական ծագման վարկածը՝ պարթևերեն izgal (‘zwg‘l):

Բայ

1. զգայարանով ընկալել, տպավորություններ ստանալ արտաքին աշխարհից ◆ Նա դեռ զգում էր յուր կողքին նազելի կնոջ տպավորության ախորժելի շոշափումը։ (Սմբատ Շահազիզ)
2. հոգեպես ապրել, հոգեկան որոշ տպավորություն, ապրում ունենալ ◆ Նա իրեն բավական հոգանած էր զգում: (Րաֆֆի)
3. գիտակցել, գնահատել, հասկանալ ◆ Զգում եմ՝ կուտակվում է նորից փոթորիկը կյանքի ու մահու։ Եղիշե Չարենց ◆ Վարդանը սակայն զգում էր դավադրական մի մթնոլորտ։ Դերենիկ Դեմիրճյան
4. գիտակցել, ճանաչել ինքն իրեն, իր դրությունը ◆ Ես այն րոպեին զգում էի իմ պաշտոնի ամբողջ վեհությունը։ Հովհաննես Թումանյան ◆ Տեսնելով քաջբերունուն օրիորդ Սոֆին զգաց իր սխալը։ (Րաֆֆի)
5. կռահել, գուշակել ◆ Այդ երկյուղին խառնվեց ավելի շատ այն խորհրդավոր երկյուղը, որ զգացին մարդիկ նախարարների դեմքին։
6. տածել, որևէ վերաբերմունք, զգացմունք ունենալ ◆ Ատելություն, զզվանք զգալ: Դերենիկ Դեմիրճյան ◆ Սակայն սահակը առանց թափահարման, առանց գզալ տալու ճիգը՝ դիմադրեց տիրական ուժով։ Դերենիկ Դեմիրճյան
7. մի բանի զգացում, տպավորություն ունենալ

Հոմանիշներ

1. զգայել
2. իմանալ, ըմբռնել, կռահել, հասկանալ, նշմարել, գիտակցել, ճանաչել, ծանել
3. գնահատել
4. ապրել (փխբ․)

Արտահայտություններ

իրեն զգալ տալ - իր գոյությունը, ներկայությունը նկատելի դարձնել

Թարգմանություններ
անգլերեն՝ activities, function, operation հունարեն՝ գերմաներեն՝ դանիերեն՝ իսպաներեն՝ իտալերեն՝ հոլանդերեն՝ շվեդերեն՝ պորտուգալերեն՝ ռուսերեն՝ чувствовать (ru) ‎(čuvstvovatʹ), почувствовать (ru) ‎(počuvstvovatʹ), ощутимый (ru) ‎(oščutimyj) վրացերեն՝ ֆրանսերեն՝

Աղբյուրներ

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։