Խոսքդ շաքարով կտրեմ

Հայերեն դարձվածք

1. մեկի խոսքն ընդհատելով մի բան հարելու սիրալիր արտ. է. ◆ - Ավետիս ջան, խոսքդ շաքարով կտրեմ, ախր չասեցիր, թե ի՞նչ ա պատահել։ Մաթևոս Դարբինյան ◆ «Խոսքդ շաքարով կտրեցի, Հաճի [Հաջի]», խոսեցավ Վարդան։ ◆ Նույնիսկ չեն գանգատիր երբ ավելի զորավորներ իրենց սկսած խոսքը կտրեն. առանց սովորական բանաձևը զրուցելու. ◆ - Խոսքդ մեղրով կոտրեմ: Հակոբ Օշական ◆ համեմատության համար՝ Արտո՜ւյտ, քո խոսքը կտրեմ շաքարով. / - Ատո՜ւյտ, քո երգը մեկն է աշխարհում Համո Սահյան

Աղբյուրներ

1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։