Կաղապար:Օրվա բառ/փետրվարի 8, 2016 թ.
չեզոք ած
Հայերեն
Դասական ուղղագրութեամբ՝ չէզոք
վանկեր՝ չե•զոք
Ածական
- երկու հակադիր երևույթներից՝ կատեգորիաներից՝ հատկություններից և այլնից ոչ մեկին չպատկանող
- (քղք․) հակամարտ կողմերից ոչ մեկին չհարող, շահագրգռված կողմերից ոչ մեկին չհարող, անկողմնակալ ◆ Այնպես են վկայում նաև չեզոք քաղաքացիները: (Ակսել Բակունց) ◆ Չեզոք անձնավորություն:
- այդպիսի մարդկանց հատուկ ◆ Չեզոք դիրք՝ գործունեություն:
- պատերազմող կողմերից որևէ մեկի հետ չդաշնակցող՝ չգործակցող, չեզոքություն պահպանող ◆ Չեզոք պետություն:
- միջազգային համաձայնագրի համապատասխան՝ ռազմական գործողությունների թատերաբեմ և ռազմական ուժերի տեղաբաշխման վայր լինելուց ազատ
- (կենս․) օրգանիզմի վրա բացասական կամ դրական ներգործություն չունեցող
- (քիմ․) ոչ հիմքային, ոչ էլ թթվային ռեակցիա առաջացնող
Հոմանիշներ
- անմաս(ն), չեզոքական
- տե՛ս միջին
Արտահայտություններ
- չեզոք բայ - չեզոք սեռի պատկանող բայ
- չեզոք դիրք բռնել - որևէ կողմի չհարել ◆ Ասլանը չեզոք դիրք էր բռնել ու չէր ուզում որևէ մեկի կողմը անցնել: Սերո Խանզադյան
- չեզոք սեռ (լեզվբ․)
- անվանական սեռերից մեկը, որը ցույց է տալիս, որ բառը ոչ արական է, ոչ էլ իգական
- բայական սեռերից մեկը, որ արտահայտում է գործողության ոչ ներգործական, ոչ էլ կրավորական լինելը