ագռավ

Հայերեն

• ՄՀԱ՝ [ɑɡˈrɑv]

Ագռավ

Դասական ուղղագրութեամբ՝ ագռաւ

վանկեր՝ ագ•ռավ 

Ստուգաբանություն

Բնաձայնական բառ, որ կազմությամբ նման է հնդեվրոպական, այլև ոչ հնդեվրոպական համիմաստ բառերին, հատկապես հնդեվրոպական * ker- բնաձայնական արմատից ծագող լատիներեն corvus, միջին իռլանդերեն crū (<* krouos) և հնդեվրոպական * ger- բնաձայնական արմատից ծագող հին վերին գերմաներեն krā(w)a, հին անգլերեն crāwe բառերին, բայց օրինաչափ համապատասխանություն չկա։

Գոյական

1. Ակն՝ ագռավազգիների ընտանիքին պատկանող գիշակեր թռչուն ◆ Ցին ու ագռավ իջան ամպից, Սև աչքերը հանեցին։ Հովհաննես Թումանյան
2. (աստղգ․) Հարավային կիսագնդի 15 համաստեղություններից մեկը
3. խաղաթղթի տեգաձև սև նիշը ◆ Ագռավի տասանոցը։
4. (փխբ․) սևամորթ
5. (փխբ․) անճոռնի, այլանդակ
6. (փխբ․) չարագուշակ մարդ
7. Մուշ՝ արորի շղթայի գլխի կեռ երկաթը, ճանկը

Հոմանիշներ

1. (կենդբ․) (նորբ․) արջնագռավ, գայլագռավ, որի (սև ագռավ), եղջերուկ, ճայակ, կուռաբ, (բրբ․) քաշտ, քաշ, խախա, կռիկ, կոռափ, կռկոտ, քաքանծեղ (սպիտակ ագռավ)
2. տանձիկ, սևատ, (բրբ․) մաչա, մաթես (խաղաթղթի)

Արտահայտություններ

1. (փխբ․) ագռավ դառնալ
   1. խիստ նիհարել
   2. երկար ժամանակ չերևալ և իր մասին լուր չտալ
2. Ղարաբաղ՝ ագռավի ճուտ, ճոտ - տգեղ, այլանդակ երեխա ◆ Խոխա մի ասի, մին ագռավի ճոտ։
3. ագռավի ձայն, ձեն -
   1. խռպոտ, կոշտ, անախորժ ձայն
   2. չարագուշակ ձայն, կռռոց ◆ Ագռավի ձենը որ աստված լսեր, վարդավառին ձյուն կգար։ (Պերճ Պռոշյան)
4. ագռավի թուր - թրաշուշանի տեսակ
5. (բսբ․) ագռավի չամիչ - կարմիր թթի նման պտուղներով և թելուկի նման տերևներով բույս
6. ագռավի փոխան - դառնահամ բանջարի տեսակ
7. ագռավի պես կռռալ, ղըռալ -
   1. չար բան ասել, գուշակել
   2. չարագուշակ լալ
8. Նոյի ագռավ - մարդ, ով ուշանում է լուր բերելուց, կամ ուշ է գալիս սպասված տեղը
9. ագռավները սև կհագնեն, ագռավները սև հագան - հոգ չէ, փույթ չէ ◆ Դու որ չգաս, ագռավները սև կհագնեն, էլի։ (Հրաչյա Աճառյան)
10. լեզուդ չլինի, ագռավները աչքերդ կհանեն - ասվում է լեզվանի, բայց իրականում ապաշնորհ, անճարակ մարդու մասին
11. սև ագռավ
12. ագռավ կտրել - սևանալ, սև գույն ստանալ
13. Խոտուրջուր՝ ագռավի ժուռ -
    1. ազոխ
    2. փոքր բույս
14. ագռավի խնամին կաչաղակը կըլի, ագռավի շհադը կաչաղակը կըլի - նմանը նմանին կգտնի
15. Սեբաստիա՝ (բսբ․) ագռավի ճանկ, ոտք - գորտնուկազգիների ընտանիքին պատկանող ծաղիկ
16. (փխբ․) ագռավի ճանկեր - անվարժ, տգեղ ձեռագիր ◆ Իսկ իմ ձեռքին խազմզում ես Սև ագռավի ճանկերի պես։ Հովհաննես Թումանյան
17. (բսբ․) ագռավի փոխան - դառնահամ բանջարի տեսակ, գնդածաղիկ, բարձմանյակ
18. Մուշ՝ ագռըվու բերնով գարուն չիքա - չարագուշակությամբ լավ վիճակ չի ստեղծվի, լավ օր ու կյանք չի լինի

Ի արտաքին հոլովում
	Եզակի թիվ	Հոգնակի թիվ
Ուղղ.	ագռավ(ը)	ագռավներ(ը)
Սեռ.	ագռավի	ագռավների
Տր.	ագռավի(ն)	ագռավների(ն)
Հայց.	ագռավ(ը)	ագռավներ(ը)
Բաց.	ագռավից	ագռավներից
Գործ.	ագռավով	ագռավներով
Ներգ.	ագռավում	ագռավներում

Թարգմանություններ

Վիքիքաղվածքն ունի քաղվածքների հավաքածու, որոնք վերաբերում են

Ագռավ

Աղբյուրներ

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։

• Ալինա Մուրադյան, Նորածանոթ բառերի բացատրական բառարան (Իմաստասեր Անանիա Շիրակացի համալսարան), Երևան, 2006 — 60 էջ։

Վիքիպեդիայում հոդված կա հետևյալ թեմայով՝ Ագռավներ: