(հզվդ․)(արևմտհ․) վտանգ, փորձանք, անախորժություն սպառնալ ◆ Արևմուտքում ամպեր էին կուտակվում։ Ֆաշիստական վերմախտը գլուխ էր բարձրացնում։ Խաչատրյան ◆ Աշխատեցան փարատել այն ամպերը, որոնք (Ս․ Միության և արաբական երկիրներու մեջ) կուտակվիլ սկսած էին վերջերս։ «Զարթոնք»◆ Հետագայում այդ տղամարդկանց վրա էլ սև ամպեր կուտակվեցին, բայց հասցրին փախչել ով ուր կարողացավ։ Եր ◆ Դալարագեղ բնությունը ապրում էր գարնանամուտի իր հիասքանչ զարթոնքը, երբ սպանդի սև ամպերը կուտակվեցին կուսական բնության լազուր երկնակամարում: Հովհաննիսյան ◆ Սակայն (Կիպրոսի) կապուտակ երկնակամարում շարունակում են կուտակվել թուխպերը: «Ավանգարդ»◆ Արդարև, մութ ամպեր սկսան կուտակվիլ Իսրայելի երկնակամարին վրա և բնական է, որ Զոր․ Տայան [Դայան] մտահոգվիլ սկսի։ «Զարթոնք»◆ Ինձ հետ տարեր եմ ամենուրեք այդ պարտեզները և անոնց մեջ ապաստաներ են ամեն անգամ, երբ մութ և սպառնական ամպեր կուտակվեր են իմ կյանքիս հորիզոնին վրա։ Զապել Եսայան◆ Երբեք մտքես չէր անցներ որ այդպես ավելի սև ամպեռր պիտի դիզվեին արևելյան հորիզոնին վրա, Նելսոնի ճակատագրի վրա։ (Մաթևոս Մամուրյան)◆ Տուր ձեռքդ, որ բախտ նայիմ, կը դիտեմ որ ճակատիդ վրա սև սև ամպեր կը պտըտին․ քու ապագայիդ փոթորիկ մը կը սպառնան։ ն ◆ Իտալիայի քաղաքական հորիզոնում թուխպեր են կուտակվում նաև այն բանի հետևանքով, որ կուսակցությոնների միջև տարաձայնությունները սրվում են, շարունակվում է տնտեսական ճգնաժամը։ (Սովետական Հայաստան)
