այգի

Հայերեն

Արտասանություն

ՄՀԱ: [ɑjgi]

Այգի Սինգապուրում

վանկեր՝ այ•գի 

Ստուգաբանություն

Առաջացել է բնիկ հնդեվրոպական oiui-iã-՝ ei-՝ «կարմրավուն» արմատից։ Համեմատել հունարեն οίη` «ասորենի, սնձնի», լատիներեն ūva՝ «խաղողի ողկույզ, խաղող», հ․ վ․ գ․ īwa՝ «դեղձի, կարմրածառ»։

Գոյական

1. խաղողի վազեր տնկած հողամաս ◆ Տեսե՞լ ես… Կանաչում թաղված այն այգիները, Ուր իբրև գոհար խաղողն է հասնում։ Հովհաննես Հովհաննիսյան ◆ Ճանապարհի երկու կողմերին մրգատու ծառերի, խաղողի այգինների ու բանջարանոցների մեջ թաղվել էին տուֆակերտ գեղեցիկ մենատներ։ (Բոգդան Վերդյան)
2. այգու վազերի ամբողջությունը, այգու վազերը
3. ընդհանրապես պտղատու ծառեր տնկած հողամաս ◆ Նրա աչքերի առաջ իր այգու արքայական խնձորենին էր։ (Ակսել Բակունց) ◆ Երբ ջրում եմ այգում, Ամեն թփից, ամեն ծաղկից վարդի բուրմունք եմ զգում։ Սարմեն
4. (կնչ․) որոշակի հատակագծային կոմպոզիցիայում միավորված բեմահարթակ, մարզահրապարակներ, ծառուղիներ, մանկական խաղահրապարակներ, ջրամբարներ ունեցող և տնկարկներով, մարգագետիններով, ծաղկանոցներով ծածկված 5-10 հա-ից ոչ պակաս տարածք
5. զբոսայգի ◆ Միասին գնացին «Ֆլորա» այգում զբոսնելու ու վերադարձան տուն ուշ երեկոյան։ (Հրաչյա Քոչար)
6. (խոհր․) խաղողի, մրգատու ծառերի, նաև՝ զբոսանքի այգիներ

Հոմանիշներ

1. որթոց (հնց․)
2. վազնուտ, ռազ (խաղողի) (բրբ․)
3. զբոսայգի, պուրակ, պարտեզ,
4. զբոսապարտեզ, զբոսապուրակ, ճեմայգի, ճեմապարտեզ (հզվդ․)

Արտահայտություններ

1. բուսաբանական այգի
2. կենդանաբանական այգի
3. այգի գցել - այգի տնկել ◆ Այնտեղ այգի գցելու համար փորվեց ու սայլերով տեղափոխվեց հողի արտաքին շերտը։ (Մամուլ)

Հոլովում
	Եզակի թիվ	Հոգնակի թիվ
Ուղղ.	այգի(ն)	այգիներ(ը)
Սեռ.	այգու	այգիների
Տր.	այգու(ն)	այգիների(ն)
Հայց.	այգի(ն)	այգիներ(ը)
Բաց.	այգուց	այգիներից
Գործ.	այգով	այգիներով
Ներգ.	այգում	այգիներում

Բաղադրյալ բառեր
բուսաբանական այգի պտղատու այգի

Թարգմանություններ
անգլերեն՝ garden, ground գերմաներեն՝ Garten դանիերեն՝ have էսպերանտո՝ ĝardeno իսպաներեն՝ jardín իտալերեն՝ giardino հոլանդերեն՝ tuin հունարեն՝ περιβόλι շվեդերեն՝ trädgård պորտուգալերեն՝ jardim ռուսերեն՝ сад (ru) ‎(sad), виноградник (ru) ‎(vinogradnik) վրացերեն՝ ֆրանսերեն՝ jardin

Աղբյուրներ

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։

• Ժ․ Հ․ Վարդանյան, Հ․ Յա․ Սայադյան, Անտառագիտական և կանաչապատման տերմինների հայերեն-ռուսերեն-անգլերեն բացատրական բառարան, Երևան, «ՀՀ ԳԱԱ բուսաբանական ինստիտուտի հրատարակչություն», 2008 — 338 էջ։
• Սերգեյ Ավագյան, Հայերեն-անգլերեն-ռուսերեն խոհարարական բացատրական բառարան, Երևան, «ԴԱԼԼ», 2009 — 240 էջ։
• Մ․Խ․ Պողոսյան, Ֆրանսերեն-հայերեն ագրոէկոլոգիական և անտառագիտական տերմինների համառոտ բառարան (ՀԳԱ), Երևան, 2005 — 144 էջ։