(հզվդ․) խաբել (մի բանի որպես իրականություն, ճշմարտություն ներկայացնելով) ◆ - Ու էս բոլորից հետո եկել է մեր գյուղը, աղավնու փետուրներ հագած՝ թոզ է փչում ահել ու ջահելների աչքին: Գրիգոր Բալասանյան◆ Երբեք չխաբվիք ներկա «բարեկարգութենեն», որ շինծու է, և աչքի թոզ փչելու համար եղած է։ Ճիվան. ◆ Գլուխը փչում, աչքդ թոզ ածում. / Լիրբ լեզվով նրան երկինքը հանում։ (Խաչատուր Աբովյան)◆ - Այդ պայքարն ինչ-որ ցուցանիշներ կորզելու համար չլիներ։ ... Ուրեմն եկեք թոզ ու մոխիր չփչենք մեկս մյուսի աչքերին: «Հայաստանի Հանրապետություն»◆ Էնքան էսպես նրանց աչքը մոխիր ածեց, որ ընկերների ոտի շփլթուն իմացավ։ (Խաչատուր Աբովյան)◆ Ցորեկն իրանց ազիզ լծակիցների աչքերը փոշի փչելու համար ինձանից երես էին թեքում։ (Պերճ Պռոշյան)◆ Ասելիք չունեն և թոզ փչելով ուզում են իմաստուն երևալ։ ԱՍ - «Եր.» ◆ - Թաղական աղաները... ձեռվընին իրենց լեցուն գրպաններուն տանիլ չեն վարանիր։ - Ատիկա ժողովուրդին աչքին ոսկի փոշի փչել է: Մկրտիչ Կորյուն◆ Մի հավատաք... ատոնք բոլորն ալ ձեզ, դուրսեն գացող այցելուներուդ տպավորելու, աչքերուն փոշի ցանելու համար մասնավոր կերպով սարքված սեղաններ պետք է եղած ըլան։ Վահրամ Մավյան◆ Կարողանա հաճախորդի աչքերը հող ու մոխիր փչել, փտած ապրանքը կրկնապատիկ գնով նաղդել [«իրացնել»]։ (Պերճ Պռոշյան)◆ Եղբոր աչքին մոխիր մաղեց ու փողերին տիրացավ։ ◆ Մի քանի քաղցր խոսքով ամուսնու աչքը փոշի է մաղում և գնում է ինժեների հետ թափառելու։ Մարտունի ◆ Խաբել է, մշուշ է փռել աչքերիդ - չեմ իմացել։ Եղիշե Չարենց◆ Մեր պարոնը, մանավանդ խաժամուժ ամբոխի աչքերը ներկելու համար, ազգասիրություն էր ցույց տալիս։ (Միքայել Նալբանդյան)◆ Պետը հարցը դրել է պետական մերկությամբ, առանց մտնելու բժշկի սարքած ծխածածկույթի տակ և առանց թույլ տալու, որ նրա, այսինքն՝ բժշկի փչած թոզը մտնի իր աչքերը: Գուրգեն Մահարի◆ (Իթթիհատականներուն մասին) դաշնակից պատերազմական ատյանին որոշումները պարզապես հայության և ընդհանուր մարդկության աչքին նետված փոշի էր։ ԱրչՇ