իր ճանապարհով, շիփ-շիտակ (փխբ․), անվարան ◆ Եվ ոչ մի տեղից այդքան հապճեպ չեմ փոխել, որքան այդ վայրից վաղ լուսաբացին, մինչև Տալին՝ առանց ետ նայելու: (Վահրամ Փափազյան)◆ Շվարած ու ամոթահար, ես տնակեն դուրս նետվեցա... հեռացա, փախա այդ անեծքի հովիտեն՝ առանց ետիս նայելու: (Ռուբեն Սևակ)◆ համեմատության համար՝ Իմ լավատեսությունն այստեղ դեմքը շրջեց ինձանից ու առանց ետ նայելու գնաց։ «Հայաստանի Հանրապետություն»
անվերադարձ. չնահանջելու որոշումով վճիռով ◆ Հույները առանց ետ նայելու փախչում էին Հունաստան կամ Բալկանյան մյուս երկրները։ (Վահրամ Փափազյան)◆ Ընդունեց զայն (առաջարկը) ու անմիջապես ճամբա ելավ, առանց ետին նայելու, վախնալով իր թուլութենեն։ Լևոն Բաշալյան
հաստատուն վճռականությամբ, աներեր ◆ Չի վախենա մեն-մենակ գնալու հազարների դեմ, առանց ետ նայելու, առանց ափսոսանքի իր կյանքը զոհելու։ (Ավետիք Իսահակյան)◆ Հայերս...սկզբից ևեթ հավատալով վերակառուցման հռչակած սկզբունքներին, անկեղծ անմիջականությամբ, առանց հետ նայելու նետվեցինք նրա հորձանուտի մեջ։ Երեկոյան Երևան◆ Տասնչորս տարեկանին զինքը ամուսնացուցեր էին, աճապարանքով, «առանց ետև առաջ նայելու»: Զապել Եսայան◆ - Անխելք կինդ՝ պզտիկ Երանդ ուրիշին որդեգիր տվավ, առանց փուլի-փարայի, առանց ետին նայելու, այսպես տվավ ու եկավ։ Ենովա Պետեան
