հանգամանքների ընթացքը փոխել ◆ Բախտի անիվը շուռ եկավ, բավական հարուստ խանութը դարձավ զոհ հրդեհի, մարդ սնանկացավ։ (Շիրվանզադե)◆ Բախտի անիվը հանկարծ դարձել է առջևդ բաց արել մի նոր կյանքի դուռ,-ըստ ամենայնի բախտավոր, բարեկեցիկ ու երջանիկ կյանքի։ Ն-Դ ◆ Սակայն բախտի անիվը հակառակ էր դարձել, զոհերին տիրանա լցանկացող ճիվաղ բեկին [բեգին] համար։ (Նար-Դոս)◆ Նրանց բախտի անիվը պտտվեց, պտտվեց և հանկարծ կանգ առավ։ Ի՞նչ պատահեց։ «ՍՀ» ◆ -Այն օրից․․․ իմ խաբուսիկ բախտի անիվը սկսեց հակառակ պտտվել․․․ երբ իմ անբախտ ծնողների մահվան գույժն ստացա։ Ն-Դ ◆ Կ՚ուզե՞ս որ չարխը դառնա ու հասցնե քեզ կրկին / սահմաններուն մանկության ու երազիդ ափերուն։ Բյուզանդ Թոփալյան◆ -Սատանի հե՛րն անիծած․․․ մարդի չարխը որ թարսվի, 1000 տարի գլուխ տրաքացրո՛ւ, օգուտ չունի։ (Պերճ Պռոշյան)◆ -Տեսնո՞ւմ ես մեր բախտի անիվի հետ տալը, դու էլ մի կողմից մի՛ արագացնիլ նրա պտտելը։ (Նիկողայոս Մամիկոնյան)◆ -Սա ինչ շրջումն էր բախտի անիվի,-հեգնեց Հազարապետը։ - ․․․Փղերի ոտներից բարձրացավ մինչև մարզպանական նոր պարգևների ու խոստումների։ Դերենիկ Դեմիրճյան◆ Բալադյուրի բախտանիվի պտույտը սկսեց փոծվել մի քնի շաբաթ առաջ։ Հովհաննես Հովհաննիսյան
