բանկ
Հայերեն
- ՄՀԱ՝ [bɑŋk]
Դասական ուղղագրութեամբ՝
վանկեր՝ բանկ
Ստուգաբանություն
խմբագրել< банк < ֆր. banque, իտալ. banco, դրամափոխի սեղան, նստարան, աթոռ
Գոյական
- պետական հիմնարկ, որ պլանաչափորեն, ժողովրդական–տնտնեսական պլանի համաձայն, իրականացում է ձեռնարկությունների վարկավորումը, կապիտալ ներդրումների ֆինանսավորումը, ձեռնարկությունների ու տնտեսական մարմինների դրամական հաշվարկներն ու վճարումները և կազմակերպում կանխիկ դրամի կենտրոնացած շրջանառությունը ◆ Առավոտը բանկից բերել եմ տվել բավական խոշոր մի գումար։ (Շիրվանզադե)
- ձեռնարկություն, որ կենտրոնացնում է փոխատվական կապիտալը և տրամադրում կապիտալիստներին, շահույթ ու գերշահույթ ստանալու համար
- զանազան խաղերի մեջ՝ մեկ խաղի համար դրվող գումարը
- (աշխգր․) վճարումների և վարկերի միջնորդությունն իրականացնող ձեռնարկություն
- (սակ․) կազմակերպություն, որն ընդունում է ավանդներ, տրամադրում վարկեր, իրականացնում չեկային և արժութային միջոցների հետ գործարքներ և տրամադրում է նմանատիպ այլ ծառայություններ
- (բանկ․) մասնագիտակցված ֆինանսավարկային ինստիտուտ, որը հավաքագրում է ֆիզիկական և իրավաբանական անձանց դրամական միջոցները` տեղաբաշխելով դրանք իր անունից` վերադարձելիության, վճարունակության, ժամկետայնության պայմանով, կատարում է դրամական տարաբնույթ հաշվարկներ, արժեթղթերի էմիսիա, իրականցնում է միջնորդի դեր առանձին երկրների, ինչպես նաև կազմակերպությունների, ընկերությունների և անհատ անձանց միջև փոխադարձ հաշվարկներում
- ձեռնարկություն, որն իրականացնում է դրամական կապիտալի առուծախ, ընդունում է ավանդներ և տրամադրում վարկեր
- (իրավ․) իրավաբանական անձ, որն իրավունք ունի օրենքով սահմանված կարգով տրված լիցենզիաների հիման վրա իրականացնել բանկային գործունեություն
- (ֆին․) ֆինանսավարկային հիմնարկություն է, որը դրամական միջոցներով և արժեթղթերով իրականացնում է տարբեր տեսակի գործառնություններ
- (տնտգ․) հատուկ տնտեսական ինստիտուտ, որի գլխավոր ֆունկցիան կայանում է դրամական միջոցների կուտակման, վարկերի տրամադրման, դրամանիշների և արժեթղթերի թողարկման մեջ
Հոմանիշներ
խմբագրել- դրամատուն (վարկային ոլորտի ձեռնարկություն, որ կենտրոնացնում է ժամանակավորապես ազատ դրամական միջոցները(ավանդները), օգտագործում վարկի ձևով, կատարում է դրամական հաշվարկներ, բաց թողնում թղթադրամ, վարկադրամ և տարատեսակ արժեթղթեր, կազմակերպում կանխիկ դրամի շրջանառությունը ևն)
- խաղագումար, գումար (որոշ խաղերում մեկ խաղի համար դրվող գումարը)
Արտահայտություններ
խմբագրել- բանկ դնել - ազարտ խաղերում գումար դնել և նրա վրա խաղալ
| Բաղադրյալ բառեր | |
| Թարգմանություններ | |
Աղբյուրներ
խմբագրել- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Գրգեարյան Հ․Ղ․, Հարությունյան Ն․Մ․, Տնտեսական աշխարհագրության տեղեկատու բառարան (խմբ. Ավագյան Գ․Ե․), Երևան, ««Լույս» հրատարակչություն», 1982 — 408 էջ։
- Սակարկային տերմինների ռուս-հայերեն բացատրական բառարան, Գյումրի, ««Իմաստասեր Անանիա Շիրակացի» համալսարան», 2011 — 89 էջ։
- Դանիել Ջհանգիրյան, Բանկային տերմինների բացատրական բառարան, Երևան, «Նոյյան տապան», 2008։
- Արեն Կոբալյան, Իրավաբանական համառոտ բացատրական բառարան, Վանաձոր, 2005 — 80 էջ։
- Ա․Հ․ Բայադյան, Ֆինանսական բացատրական բառարան, Երևան, «Ասողիկ», 2004 — 334 էջ։
- Կիրակոսյան Գրիգոր, Ղուշչյան Համազ, Տիգրանյան Իշխան, Տնտեսագիտական բացատրական բառարան (Ամարաս), Երևան, 1999 — 464 էջ։
- Ռ․ Ա․ Վարդանյան, Պատմական իրադարձությունների տերմինների համառոտ բառարան, Վանաձոր, 2007 — 113 էջ։