գործակալություն
Հայերեն
վանկեր՝ գոր•ծա•կա•լու•թյուն
Գոյական
- գործակալ լինելը, գործակալի պաշտոնը
- որևէ կենտրոնական ձեռնարկության՝ հիմնարկության տեղական բաժանմունք
- ինֆորմացիոն կամ միջնորդական դեր ունեցող մի քանի հիմնարկների անվանումը
- մի շարք երկրների հետախուզական կազմակերպություն, որ օտար երկրներում լրտեսույամբ ու քայքայիչ աշխատանքով է զբաղվում
- հետախուզական միավորում, կազմակերպություն, որը նախանշանակված է տեղեկույթ հավաքելու և մշակելու համար
- ներկայացուցչական հիմնարկ, ներկայացուցչություն, ավելի մեծ հիմնարկի բաժանմունք, որը տնօրնում է տվյալ տարածաշրջանում դրանց գործերը, կատարում որոշակի շրջանով դրանց առաջադրանքները
- հին և միջնադարյան Հայաստանում. որևէ բնագավառ կառավարող արքունական վարչություն, հազարապետություն, մաղխազություն և այլն)
- (տնտգ․) գործակալության պայմանագրով մի կողմը՝ գործակալը, պարտավորվում է մյուս կողմի՝ պրինցիպալի հանձնարարությամբ, իր անունից, սակայն պրինցիպալի հաշվին կամ պրինցիպալի անունից կատարել իրավաբանական և այլ գործողություններ
- Պետական հիմնարկ, հաստատություն, կազմակերպություն, ծառայություն, օրինակ' Հավատագրման և արտոնագրման գործակալություն
- Հին միջնադարյան Հայաստանում պետական կառավարման առանձին բնագավառները տնօրինող պետական մարմիններ, ինչպես այսօրվա նախարարությունները, դրանք էին հազարապետությունը, սպարապետությունը, թագադիր ասպետությունը, մեծ դատավարությունը, մաղխազությունը (արքունի թիկնապահությունը) և այլն
- (սոց․) եզրույթն օգտագործվել է Գիդենսի կողմից՝ մարդու գործունեության նշանակության համար, որը հնարավորություն ունի ձևափոխելու սոցիալական մեխանիզմը՝ դիտավորյալ կամ ոչ դիտավորյալ գործողության հետևանքների միջոցով
Հոմանիշներ
խմբագրել- ագենտուրա
- հիմնարկություն, գրասենյակ
Արտահայտություններ
խմբագրել- արժեքավորող գործակալություն - համատեղ փորձարկման/փորձաքննության պլանավորման, համակարգման և արդյունքների գնահատման համար պատասխանատու գործակալություն
- կենտրոնական հետախուզական գործակալություն - ԱՄՆ-ում արտաքին հետախուզության և հակահետախուզության գլխավոր մարմինը
- հետախուզական գործակալություն
- հետախուզական գործունեության ոլորտ
- տուժածներին օգնություն ցույց տվող գործակալություն
- օժանդակ գործակալություն - տե՛ս օժանդակ ծառայություն
| Թարգմանություններ | |
Աղբյուրներ
խմբագրել- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Ռ․Ա․ Վարդանյան, Պատմական տերմինների համառոտ բառարան, Երևան, 2003 — 80 էջ։
- Սուսաննա Ասիկյան, Սոցիոլոգիա (Անգլերեն-հայերեն բացատրական բառարան), Երևան, ««Զանգակ» հրատարակչություն», 2015 — 208 էջ։
- Ռ․ Ա․ Վարդանյան, Պատմական իրադարձությունների տերմինների համառոտ բառարան, Վանաձոր, 2007 — 113 էջ։