դանայան նվեր

Ստուգաբանություն

< данайцев дар

Հայերեն դարձվածք

1. (դիցբ․) թևավոր արտահայտություն․ ծագել է Տրոյայի գրավման ու տրոյական ձիու մասին առասպելից, երբ տրոյացիները ուզում էին քաղաք բերել հույների (դանայացիների) լքած փայտե ձին (դրա մեջ զինվորներ էին թաքնված, որոնք բացեցին դարպասները), քուրմ Լաոկոոնը բացականչում է․ «Վախենում եմ դանայացիներից (հույներից), թեկուզ և ընծա բերեն», այսինքն՝ թշնամու ընծան վտանգավոր է
2. (փխբ․) խաբեական, ընդունողի համար կործանարար նվեր ◆ Կասպարովն սկզբում զոհաբերեց մեկ զինվոր, հետո՝ երկրորդը...: Չեմպիոնն ընդունեց «դանայան նվերները», որից հետո խաղատախտակի վրա ասես կոմբաինացիոն «փոթորիկ» առաջացավ։ «ՍՀ» ◆ Բայց Գդլյանը չընդունեց «դանայացիների նվերը»: Նա հասկավաց, որ պարզապես ցանկանում են իրեն մեկուսացնել գործից։ «ԱՎ» ◆ Մերժեցինք համաձայնվողականության ամեն մի խաղ և հրաժարվեցինք «դանայցիների ընծաներից»: Ալեքսանդր Մյասնիկյան ◆ Այս գործիքին հետ համեմատության դնենք դանայյան այն պարգևը, զոր Պեպենոս Ֆրանկ նվիրեց գերման ժողովրդյան։ Մարկվարտ ◆ համեմատության համար՝ Պարզ են Սարյանի գրքերը, պա՜րզ ու բնական...ինչպես ի՛նքը Սարյանը՝ միշտ հեռու «այս աշխարհի մեծերից» ու նրանց «դանակայական նվերներից: (Գևորգ Էմին)

Աղբյուրներ

1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։

• Աշոտ Հայրապետյան, Օտար բառերի բառարան («Նաիրի» հրատարակչություն), Երևան, «հեղինակային հրատարակություն», 2011 — 643 էջ։