շրջվել, դիրքը՝ ուղղությունը փոխել, թեքվել, ուղղվել, շուռ գալ ◆ Դառնալ դեպի աջ՝ ձախ։◆ Ժամանակն անցավ, նրանք էլ անցան, զվարթ երգերս վշտալի դարձան: Հովհաննես Թումանյան◆ Ջուրը -4°-ում դառնում է սառույց, իսկ 100°-ում գոլորշի։ (Դասագիրք)
շարժման նախորդ ուղղության հակառակ շարժվել՝ գնալ, վերադառնալ, ետ դառնալ ◆ Ճանապարհի կեսից դարձավ:◆ Մի օր էլ, երբ որ իր որսից դարձավ, պառավը վրեն սաստիկ բարկացավ։ Հովհաննես Թումանյան◆ Դարձեք եկած ճանապարհով ձեր հայրենի հողը Մսրա։ Հովհաննես Թումանյան
պտույտ գործել, պտտվել ◆ Հոգիս ու շունչդ մեկ տեղ եև ձուլվում, անի՛վ իմ, դարձի՛ր: (Վ. Գրիգորյան) ◆ Նա հրամայեց կառապանին դառնալ դեպի շատրվանը։ (Շիրվանզադե)◆ Մեքենան մի քանի անգամ դառնալուց հետո կանգ առավ։ (Ակսել Բակունց)◆ Մանկության օրեր, երազի նման անցաք գնացիք, այլ չեք դառնալու: (Միքայել Նալբանդյան)
շրջվել ◆ Բոլորի զարմացած աչքերը դարձան դեպի այն կողմ, ուր բացվում էր ամրոցի գլխավոր դռները։ (Րաֆֆի)
փոխվել, մի բանի փոխարկվել՝ վերածվել ◆ Սառույցը հալվեց և ջուր դարձավ:
(փխբ․) դարձի գալ, հեշտ ուղի ընտրել ◆ Եթե դու կամենում ես կրկին վայելել քո ընտանիքի և քո աշխարհի սերը, պետք է դառնաս չար ճանապարհից (Րաֆֆի)
անդրադառնալ ◆ Բայց մենք դառնանք մեր պատմությունը։ (Ղազարոս Աղայան)
ուղղվել՝ դիմել դեպի մի տեղ (ճանապարհը՝ ուղղությունը փոխելով) ◆ Դատավորը դարձավ եղան տիրոջը և հարցրեց, թե ինչ ունի ասելու։ (Ղազարոս Աղայան)
խոսքով դիմել մեկին°
լինել, պատրաստ՝ ավարտված՝ հասուն վիճակի հասնել, գլուխ գալ ◆ Գինին՝ պանիրը դարձել է:
ետ կանգնել, վճռից՝ խոսքից ևն հրաժարվել ◆ Տղամարդն իր ասածից չի դառնա:
անդրադառնալ, խոսելու քննության ևն առարկա դարձնել ◆ Այժմ դառնանք գարնանացանի հարցին։
հանդիսանալ, լինել ◆ Մի բանի առիթ՝ պատճառ դառնալ:◆ Դժբախտության պատճառ դառնալ:
կազմում է հարադիր բայեր չեզոք սեռի՝ վերածման-դառնալիության իմաստով (օրինակ՝ քար դառնալ - քարանալ, փոշի դառնալ - փոշիանալ և այլն)
Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
