դարդակ
Հայերեն բարբառային բառ
վանկեր՝ դար•դակ
- Ղարաբաղ՝ դատարկ
- դատարկամիտ, անխելք ◆ Շատ դարդակ մաթ ա։
- Մալաթիա, Խարբերդ, Արաբկիր, Էվերիկ, Մարաշ, Զեյթուն, Այնթապ, Վան, Ակն՝ մասուրա, առևջ, գլանիկ, որի հենք կամ գործելու համար մանած թել փաթաթում են
- Ակն՝ ցամաք ◆ Դարտակ հաց կուտե։ Քեչ․
Արտահայտություններ
խմբագրել- դարդակ գեդին- Թբիլիսի՝ որևէ բանով չզբաղեցրած, ազատ հողակտոր ◆ Վանքի թաղի իմ դարդակ գեդինը նվիրում իմ Կովկասյան հայոց բարեգոխական ընկերութինին, վուր շինվի մի մենձ տուն։ (Գարեգին Սևունց)
- դարդակ դարդակ դուս տալ - հիմար, անմիտ բաներ ասել
- դարդակ մարդակ դուս տալ - հիմար, անմիտ բաներ ասել
- դարդակ կարասը մինձ ձեն կուհանե - Թբիլիսի՝ դարդակ կարասը մենծ ձեն կտա, Շիրակ՝ դատարկամիտ մարդը պոռոտախոս կլինի
- դարդակ, դարդակ նստել մեկից, մի բանից - զուրկ մնալ, զրկվել ◆ Թե սրանում սուտ ըլնի, իմ երկու աչքիցս դարտակ նստիմ։ (Պերճ Պռոշյան) ◆ Դարդակ նըստեմ, քըզանա։ (Նիկողայոս Մամիկոնյան)
- դարդակ, դարդակ ու բոշ, պոշ - դադարկաձեռն ◆ Դարդակ ու պոշ ես եկե, խնամի ճան։ Աշոտ Հովհաննիսյան
- դարտակ ուրախ - Պոլիս, Նոր Նախիջևան, Արաբկիր, Սեբաստիա, Ակն՝ մարդ որ խելք չունի և չնչին մի բանի համար կարող է ուրախանալ, խենթուկ
- դարտակ փայտին, փետինյ շուն չի հաչալ - մեկի մոտ դատարկաձեռն գնացողին բանի տեղ չեն դնի ◆ Խնդրեմ․․․ այս մի քանի կոպեկը ծառայիցդ վերցնես․․․դատարկ փայտին շուն չի հաչալ։ (Պերճ Պռոշյան)
- դարտակ փորուն ջուր մի տուր երթա - Ակն՝ որևէ ձևով ◆ Դուրս արա, քեզնից հեռացրու, ճանապարհիր։
- դարդակ քամի - Թբիլիսի՝ դատարկ, ավելորդ բան ◆ Խճպտանքը դարդակ քամի է քեզ համա։ (Գարեգին Սևունց)
- դարդակով լիքը
- դատարկ
- հիմար, անխելք
Աղբյուրներ
խմբագրել- Հրաչյա Աճառյանի անվան լեզվի ինստիտուտ, Հայոց լեզվի բարբառային բառարան («Նաիրի» հրատարակչություն), Երևան, «ՀՀ Գիտությունների ազգային ակադեմիա», 2001-2002 — 2792 էջ։