տարբեր տեղեր՝ տեղից տեղ գնալ ◆ Գզիրն ընկավ դռնեդուռ, / Էլ չթողեց դուռ, կտուր․/ Ջահել ահել գեղովի… /Կանչեց բերեց ժողովի ԱԹԽ ◆ –Ես դռնեդուռ կընկնեմ ու կպատմեմ բոլորին, որ դու քաջաբար կռվեցիր մինչև վերջին շունչդ։ Պերճ Զեյթունցյան◆ Մի քանի ամսից ի վեր, ինչ–որ գժտություններ նրա ու աներոջը մեջ՝ Սիսակին թողել էր շարված, դռնե դուռ ընկած։ Վրթանես Փափազյան◆ Անմեղ, անլեզու անասունը պատեպատ ընկավ, դռնեդուռ արեց, բայց ապարդյուն։ (Սովետական Հայաստան)
թափառել ◆ –Ի՞նչ ընեի, դուռնե դուռ, լեռնե լեռ ինկա, և վերջապես հոս հասա։ Եր ◆ Հայացքի առաջ օրորոցում մուշ–մուշ քնած իր մանկիկն է, իսկ դռնեդուռ ընկած՝ մտքում, նրա անորոշ ապագան։ Գրիգոր Բալասանյան
այստեղ–այնտեղ դիմել ◆ Պատվին էր դիպչում, երբ հոր տեղակ ինքն էր ընկնում դռնեդուռ հաց կամ դրամ հավաքում։ (Ակսել Բակունց)◆ Դռնե ի դուռ դեգերեցար հանուն խիղճի մեկ պատառի։ Վ–Վ
այստեղ–այնտեղ՝ անխնամ մնալ, դռներին մնալ․ ինքնություն չունենանալ ◆ «Դա որ չլիներ, ես հիմի դռնեդուռն ընկած, վաղուց մեռած… օխտը պատան մաշած կլինեի» Մաթևոս Դարբինյան◆ Լսեցի անտուն, դռնեդուռ ընկած/ Հարազատ ազգիս աղերսն ու հառաչ։ (Ալեքսանդր Ծատուրյան)◆ Պեխերս թափեցան՝ տունս կործանեցավ։ Ի՞նչ ընեի, դուռնե դուռ ինկա։ Եր ◆ –Ի՞նչ է, ես դռնեդուռ պիտի ընկնեմ, ես իմ խոսքը պիտի չունենա՞մ։ Լևոն Խեչոյան◆ Լավութինին ով վատութին դարցընի, / Վիրչումն անտեր շան պես կընգնի դըռնեդուռ։
փնտրել (այստեղ–այնտեղ գնալով) ◆ Դռնեդուռ էի ընկնում կարդալու գիրք ձեռք բերելու համար։ Ստեփան Զորյան
