Հայերեն դարձվածք

  1. (զույգ ոտքով կաղալ) մեծապես թերի, արատավոր լինել, անհաստատ լինել, սաստիկ սխալվել ◆ Բայց շատ ավելի վատ է, երբ ֆիլմը երկու ոտքով կաղում է, ինչպես ձևով, այնպես էլ բովանդակությամբ։ «ՍՀ» ◆ Երկու դեպքում էլ նրանք այդ հարցում, մեղմ ասած, կաղում են՝ մի դեպքում գուցե մեկ, մյուսում՝ զույգ ոտքով։ «ՍՀ» ◆ ԱՄՆ-ի պրեզիդենտը․․․ Իրանում հույսը Շահի վրա էր դնում նույնիսկ այն ժամանակ, երբ նա երկու ոտքից կաղում էր։ «ՍՀ»
  2. մի մարզում մեծ թերություն ունենալ ◆ Թերթի խմբագիր Աստ․ Երիցյանը հայերենից «կաղում էր երկու ոտքով», և Նար-Դոսն ստիպված էր ամեն օր նրա անհայերենը դարձնել հայերեն։ Ստեփան Զորյան

Աղբյուրներ խմբագրել

  1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։