զբաղվել
Հայերեն
Արտասանություն
ՄՀԱ: [zbaxvel]
Բայ
վանկեր՝ (ը)զ•բաղ․վել
- որևէ գործ անել, պարապել մի բանով ◆ Այդ միջոցին Շուշանիկը ու Հասմիկը խոհանոցում զբաղված էին, մեկը փետրահան էր անում աղավնիները, մաքրում էր, մյուսը բորբոքում էր կրակը։ (Րաֆֆի) , ◆ Տիկին Էլոիզը լռեց, աչքերը հառելով իր բարեկամուհուն, որ զբաղված էր կարելով։ (Ակսել Բակունց)
- որևէ գործունեությամբ, արվեստով, արհեստով պարապել ◆ Նա ուշի-ուշով հետաքրքրվում էր, թե նրանք ինչպես են սովորում, որտեղացի են, ծնողներ ունեն, ինչով են զբաղվում։ (Քրիստափոր Թափալցյան)
- արտադրության որևէ ճյուղով, որևէ բանի մշակությամբ պարապել
- ուսումնասիրել, սովորել ◆ Նա զբաղվում է իր դասերով։, ◆ Սկսել է զբաղվել գրականությամբ։
- ժամանակ անցկացնել մի բանով (խաղով, զվարճությամբ և այլն) ◆ Պետք է որ մի փոքր անցյալով զբաղվենք։ (Մուրացան)
- զբաղմունք դարձնել ◆ Մի լուսնկա երեկո…թագուհին Տրդատա հովանոցում յուր սովորական բազմոցի վրա նստած հենց այդպիսի մտքերով էր զբաղված։ (Մուրացան) , ◆ Դորպատի ուսանողները հասարակ չարաճճիներ են և նրանց մեջ չկան քաղաքական ցնորամիտներ, որոնք զբաղվեին ժամանակակից քաղաքականությամբ։ (Ակսել Բակունց)
- որևէ գործի կատարումն ստանձնել, ուշադրության, զբաղմունքի առարկա դարձնել ◆ Օ՜ , ինչպես ցանկանում էի…, որ ամենքն ինձմով զբաղվեին և որ այդ ամենը Աշոտ-Երկաթը տեսներ։ (Մուրացան)
- հոգ տանել, ժամանակ նվերել մի պարապմունքի գործի ◆ Շնորհակալություն, - սառն ընդունեց Արամյանը, - միայն խնդրում եմ ինձ ազատ թողեք, զբաղված եմ։ (Քրիստափոր Թափալցյան) ◆ Իսկ դուք հարցը գործնականորեն վճռելու փոխարեն զբաղված եք կեղտոտ բամբասանքներով։ Սերո Խանզադյան
- քննարկման նյութ դարձնել ◆ Տաճարի հարցով շատ լուրջ զբաղվում են կենտրոնական կոմիտեն, պետական համապատասխան օրգանները։ (Քրիստափոր Թափալցյան)
- մտածել մի խնդրի, գործի մասին ◆ Քննադատական շատ դիտողուըթյուններ արվեցին նաև լուսաչորության մինիստրության հասցեին, որը թույլ է զբաղվում դպրոցներում ֆիզիկական կուլտուրայի դրվածքով ։ (Մամուլ)
- աշխատել, ձգտել որևէ հարց լուծել, որևէ գործ կարգավորել
- ուշադրություն դարձնել, հետաքրքրություն ցուցաբերել, հրապուրել
Հոմանիշներ
խմբագրել- պարապել, գործել, աշխատել
- գործի կպչել (ժղ․)
- պատաղել (հնց․)
Արտահայտություններ
խմբագրել| Թարգմանություններ | |
| |
| Խոնարհում | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Աղբյուրներ
խմբագրել- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։