թանապուր
Հայերեն
- ՄՀԱ՝ [tʰɑnɑˈpuɾ]
Դասական ուղղագրութեամբ՝
վանկեր՝ թա•նա•պուր
Ստուգաբանություն
խմբագրելԳոյական
- թանից կամ մածնաջրից պատրաստված ապուր, որի մեջ խոշորահատիկ ձավար, որոշ տեսակի բանջարեղեն, երբեմն նաև սոխառած են գցում, սպաս, ապուր ◆ Նրա սիրտն երբեմն յուր թանապուրն էր ուզում կամ մախոխը, իսկույն դրվում էր նրա առաջին։ (Ղազարոս Աղայան) ◆ Սասունցիք թանապուր շատ էին գործածում, մանավանդ ձմռանը։ (Եղիազար Կարապետյան) ◆ Թանապուր... մածնաթանով և ծեծածով եփված ապուր, որուն հետ կ'եփեն դաղձ ըսված բանջարեղենը։ Տկար ստամոքս ու խանգարված աղիք ունեցողներու օգտակար եղող ապուր մըն է։ Համո Սահյան
- հարած չորթանից ալյուրի ու ձվի խառնուրդով ու սոխառածով պատրաստվող կերակուր, չքալուկ
- տե՛ս մածնաջուր ◆ Մի քանի ամանների մեջ դրած էին զանազան տեսակ քաղցր շերբեթներ կամ մածունից պատրաստած թանապուր: (Րաֆֆի)
- (խոհր․) սպաս
Հոմանիշներ
խմբագրել- սպաս, թանասպաս, թանահատ, թանբոլոր, թանսպաս, թանաբանջար, թանով ապուր, թանով սպաս, թանավ, թանով (ժղ․)
- չքալուկ
Արտահայտություններ
խմբագրել- կերած թանապուրը տեսաք (հիշեք՝ միտք բերեք), կերած թանապուրին նայեք - ասվում է այնպիսի մեկի հասցեին, որ իր ուժից, ունակություններից, արժանիքներից վեր գործի մեջ է մտել կամ որևէ վատ արարք է թույլ տվել ◆ Էն լրբի կերած թանապուրը հիշեք: Եղիշե Չարենց
| Ի արտաքին հոլովում | ||
| Եզակի թիվ | Հոգնակի թիվ | |
| Ուղղ. | թանապուր(ը) | թանապուրներ(ը) |
| Սեռ. | թանապուրի | թանապուրների |
| Տր. | թանապուրի(ն) | թանապուրների(ն) |
| Հայց. | թանապուր(ը) | թանապուրներ(ը) |
| Բաց. | թանապուրից | թանապուրներից |
| Գործ. | թանապուրով | թանապուրներով |
| Ներգ. | թանապուրում | թանապուրներում |
| Բաղադրյալ բառեր | |
| Թարգմանություններ | |
| |
Աղբյուրներ
խմբագրել- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Սերգեյ Ավագյան, Հայերեն-անգլերեն-ռուսերեն խոհարարական բացատրական բառարան, Երևան, «ԴԱԼԼ», 2009 — 240 էջ։