ժամանակակից
Հայերեն
Գոյական
- ՄՀԱ՝ [ʒɑmɑnɑkɑˈkit͡sʰ]
Արտասանություն
ՄՀԱ: []
վանկեր՝ ժա•մա•նա•կա•կից
Ստուգաբանություն
խմբագրել- միևնույն ժամանակին պատկանող, վերաբերող, միևնույն ժամանակում, ապրած, տեղի ունեցած, եղած ◆ Նրանց գրողները եղել են կամ թագավորներին ժամանակակից մարդիկ և կամ նրանց խիստ մերձավորը։ (Րաֆֆի) ◆ Խոսելով է հայկական իրեն ժամանակակից կենտրոնների մասին՝ պատկանյանը վեր էր հանում Պոլսին վերապահված բացառիկ դերը։
- այժմյան ժամանակին պատկանող, մեր ժամանակի, ներկայիս, արդի ◆ Ժամանակակից բարեմիտ մարդը չի կարող առանց խորին վրդովմունքի նայել դրա վրա։ (Րաֆֆի) ◆ Նորատի կնոջ սիրուն աչքերի, սիրալիր ժպտի ( խարտյաշ խոպոպների մեջ թաքնված է ավելի մեծ ուժ, քան մեր ժամանակակից ըմբիշ Կուլա Գլդանեցու։ (Մուրացան)
- տվյալ ժամանակի պահանջների, զարգացման մակարդակին, ոգուն համապատասխանող◆ Ժամանակակից ֆիզիկա, տեխնիկա ◆ Հարկավոր ենք համարում մի քանի խոսքով ցույց տալ, թե ինչ բան է ժամանակակից վեպը։ (Րաֆֆի)
- ժամանակի սովորությունների, տարազին, ճաշակի ըմբռնումներին համապատասղանող ◆ Ժամանակակից հարդարանք, զգեստներ ◆ Մեր գրականությունը դեռևս հնարավորություն չի ունեցել ուսումնասիրության առնելու այդ ժամանակակից այրող խնդիրը։ Հովհաննես Թումանյան ◆ Ասենք, դու ինձանից զարգացած ես և խելոք, այսպես ասած ժամանակակից երիտասարդ է։ ◆ Նրա նյութը խիստ ժամանակակից է։
- տվյալ ժամանակի համար առաջնակարգ նշանակություն ունեցող, իր ժամանակի համար կարևոր ◆ Այժմ միայն նա կարող է ապրել, ով ունի երեք ժամանակակից զենքերից մեկը` փող, տաղանդ և հնարավորություն։ (Շիրվանզադե)
- իր ժամանակի, մակարդակը, մտայնությունը, ոգին ներկայացնող, կրող, տվյալ ժամանակի մակարդակի վրա կանգնած ◆ Ժամանակակից մտածող, գիտնական ◆ Այժմ միայն նա՜ կարող է ապրել, ով ունի երեք ժամանակակից զենքերից մեկը՝ փող, տաղանդ և հնարավորություն։ (Շիրվանզադե)
- որևէ մեկի ապրած ժամանակ կամ պատվական որևէ իրադարձության, անցքի ժամանակ ապրած մարդ ◆ Եղիշեն` Վարդանանց պատերազմի ժամանակակիցը, գրեց այդ պատերազմի պատմությունը։ ◆ Մեր ժամանակակիցները կկարողնանա այդպես իմաստաբար գնահատել արժանիքը։ ◆ Երկրի և մարդկանց վրա հետզհետե թանձրանում էր ասիական խավարը, որի մեջ, ինչպես վկայել է մի տաղանդավոր ժամանակակից, հազիվ ծլրտում էին առաքինության կրակները։ (Մուրացան)
Հոմանիշներ
խմբագրել- (նորբ․) համաժամանակ, ժամանակամերձ (հզվդ․), մերձաժամանակ, առժամայն, համակյաց, հանգետամանակ, արդի, արդիական, ներկա
Արտահայտություններ
խմբագրել| Բաղադրյալ բառեր | |
| Թարգմանություններ | |
| |
Աղբյուրներ
խմբագրել- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Ալինա Մուրադյան, Նորածանոթ բառերի բացատրական բառարան (Իմաստասեր Անանիա Շիրակացի համալսարան), Երևան, 2006 — 60 էջ։