համեմատության համար՝ հասկանալ, անդրադառնալ ◆ -Իր աչքովը տենա լավն ու վատը, որ նոր խելքը գլուխը հավաքի ու ոնց որ ասած ա, հասկանա։ Մաթևոս Դարբինյան◆ -Երկինք իմաստություն շնորհե քեզ, որպեսզի խելքդ գլուխդ ժողվես և հասկանա թե այս ճամբան անել [«փակուղի»]։ Հակոբ Պարոնյան◆ համեմատության համար՝ -Դուն ե՞րբ խելքդ գլուխդ պիտի ժողվես գարուն։ Դուն ե՞րբ պիտի լրջանաս և հասուն մարդ դառնաս, գարուն։ Շահան Շահնուր
(հզվդ․) իր արածին անդրադառնալով՝ իրեն կարգի բերել ◆ -Ե՞րբ խելքդ գլուխդ պիտի հավաքես և մարդ պիտի ըլլաս։ Գևորգ Աճեմյան◆ -Այս աղջկանդ ըսե որ քիչ մը խելքը գլուխը հավաքե․․․ թե ոչ գլխուն փորձանք պիտի բերեմ։ ◆ -Տանը նստիր, խելքդ գլխիդ հավաքիր և քեզ կարգին պահիր։ Զորայր Խալափյան
միտքը կենտրոնացնել՝ լարել ◆ -Թող մի խելքս գլուխս հավաքեմ, բալքի [«գուցե»] քու ասածն ա լավը։ Մաթևոս Դարբինյան◆ Սանթրոսյանը դեռևս նստած էր մենակ իր գրասենյակում և իզուր աշխատում էր խելքը գլուխը ժողովել։ Նա լավվ չէր հիշում, թե ինչ պատահեց խոստովանությունից հետո։ Ն-Դ ◆ համեմատության համար՝ Մեղուն բարձրացավ տերևի վերա, խելքը ժողովեց, դես ու դեն նայեց, որ տեսնի ով էր իր ազատողը, մահից փրկողը։ (Ղազարոս Աղայան)
գիտակցության գալ․ լրջախոհ լինել ◆ -Ժուլիեթ, դու հիմա պետք է խելքդ գլուխդ հավաքես, հաղթահարես քեզ մեղավոր ճանաչելու զգացումն ու մյուս խոչընդոտները։ Ֆրանց Վերֆել◆ Համառորեն կը հուսար որ Արտաշես խելքը գլուխը պիտի հավաքե և ստանձնած գործը պիտի կատարե։ Զապել Եսայան◆ -Չէ՛, պետք է խելքս ժողովեմ և աշխատեմ սխալ քայլ չանել։ Գաբրիել Սունդուկյան
ուշքի գալ (փխբ․)◆ Խեղճ պատանին, որ տակավին խելքը գլուխը չէր ժողովել, լաց լինելով վեր կացավ և․․․հեռացավ զվարճասերների խմբից։ Ն-Դ ◆ Կընգը մեռնելեն ետո խելքը չի նալի [«չի կարողանում»] ժողվել կլոխը։Խոյ
սթափվել․ զգաստանալ ◆ Անտիք անմիջապես խելքը գլուխը հավաքեց, աչքերը սրբեց։ Սարգիս Յ․ Ճիվանեան◆ Վերջը խելքս գլուխս ժողովեցի, լեզվիս հուպ տվի, բերանիցս ավելորդ խոսք բաց չթողի։ (Պերճ Պռոշյան)◆ Նորեկը ութ-ինը հրացաններկ խողովակների պսպղալը իր դիմաց տեսնելով, քիչ մնաց պիտի համրանար, բայց մեկ էլ խելքը գլուխը ժողովելով հասկացրեց, թե ինքը մի որսորդ մարդ է։ (Ղազարոս Աղայան)
