խելք սովորեցնել, կարգի հրավիրել ◆ Շատ, շատ մտածեց Խաչանը կապը կտրած կնոջը խելքի բերելու: Ն-Դ -◆ Աստված սիրեք, խելքի բերեք նրան: Նա հոր ճանապարհով է գնում։ ԱլՇ ◆ Ի՞նչը խելքի կու բերե միր խալխին... թոբա թե նա ձիռը վիկալնեիր արարմունքեմեն։ Գաբրիել Սունդուկյան◆ Հրավիրեց զայն, իր իսկ նախաձեռնությամբ խելքի բերելու փախած լակոտը, դարձնելու անոր ականջը։ Հակոբ Օշական
մի մտքի հանգեցնել. համոզել ◆ Ծաղրածուի վերջին խոսքերը նրան, կարծես, խելքի են բերում, և արքան կասկածում է իր երկրորդ դուստր Ռեգանի մոտ իրեն սպասող ընդունելությանը։ (Վահրամ Փափազյան)◆ Խելքի բերել և ուրիշներին, կազմակերպել, որ կռվի դուրս գան կազմ ու պատրաստ։ Մաթևոս Դարբինյան
զգաստացնել. սաստել ◆ Հեռագիրը խելքի բերեց բոլորին. կորցնել ինձ, նշանակում էր անգործության դատապարտվել։ (Վահրամ Փափազյան)◆ Սպառնագին թնդյունը, եթե վախեցնում է անտառի գազաններին, ապա մարդկանց, կարծես խելքի է բերում: ◆ Խելքի բերին զիս քանի մը իրական փոթորիկներ։ Նիկողոս Սարաֆյան◆ Հիշքան անե վըեր էտ շառ խուսողեն խըելքին պիրի, վըեր պատառ էլ խեր խոսե... շառն էլ խոսե վըեչ։
ընկճված, մոլորված վիճակից դուրս բերել ◆ Անշուշտ դրա համար ես պարտական եմ քո... խղճահարությանը, որով կամենում էիր ինձ փոքր- ինչ խելքի բերել: Ն-Դ
