արտահայտել (փխբ․), կարծիքը հայտնել ◆ Այդ վեպի մասին գրաքննադատությունը դեռ իր խոսքը կասի: (Սովետական Հայաստան)◆ Թո՛ղ մեզ դատի ընթերցողը, թո՛ղ իր խոսքն ասի հասարակական կարծիքը։ Սուրեն Սպանդարյան
վերաբերմունքն արտահայտել. գնահատականը տալ ◆ Մինչև այժմ ՀԿԿ Ալավերդու շրջանային կոմիտեն չի ասել իր խոսքը: Այն պետք է ասի առանց դեմքին ու դիրքին նայելու։ (Սովետական Հայաստան)◆ Հռոմը մեզ դավանակից, չի կարող պատահի՝ Հռոմը իր խոսքը չասի: Լևոն Խեչոյան
որոշել, վճիռը տալ ◆ Դատաքննությունն ավարտված է։ Օրենքն ասաց իր խոսքը: Եր ◆ Ազգերի լիգան... նրանց տարածքային վեճերի մասին իր ծանրակշիռ խոսքը կասի այն դեպքում, երբ դրանք հենց իրենց կողմից չկարգավորվեն։ «Հայք»
վճռել, իր կամքը թելադրել ◆ Քալանթարն առավելություն ստացավ, սակայն այս պարտիայում ևս իր խոսքն ասաց ցայտնոտը... կորցրեց առավելությունը։ Եր
իրեն ցույց տալ, հնարավորությունները բացահայտել ◆ Հայի դարը և դերը գալու է. նա իր խոսքը պիտի լրիվ ասե աշխարհին, իր խոսքը, որ թոթովել է իր մանկության օրերում։ (Ավետիք Իսահակյան)◆ Գլխավոր մեկնարկները դեռ առջևում են, ուր Էդուարդն անպայման իր խոսքը կասի: Հայրենիքի ձայն◆ Ապահովաբար Միության երիտասարդական կազմակերպությունները իրենց խոսքը պիտի բերեին, ինչ որ հետաքրքրական նորություններու կրնար դուռ բանալ։
մի բնագավառում իրեն (բարձր, ինքնուրույն) դրսևորել ◆ Մնում է... միայն իրեն նմանվող, միայն իր խոսքն ասող ստեղծագործական անահատականությունը։ (Սովետական Հայաստան)◆ Հալեպը իր արվեստի խոսքը կրնա ըսել ամենուն։ «Նաիրի»
