խցան
Հայերեն
- ՄՀԱ՝ [χt͡sʰɑn]
Դասական ուղղագրութեամբ՝
վանկեր՝ խ(ը)•ցան
Ստուգաբանություն
խմբագրելԳոյական
- անոթների՝ շշերի՝ սրվակների բերանը խցելու՝ փակելու հարմարանք ◆ Ստուգել են խցանը՝ կարտոֆիլից կամ մասուրի փայտից։ (Ակսել Բակունց)
- մասնավորապես` շշերի խցանափայտե բերանակալը
- առհասարակ՝ որևէ բան փակելու հարմարանք ◆ Պատուհանի անցքը լաթե խցանով փակեց։
- (փխբ․) արգելք, փականք, արգելիչ հանգամանք ◆ Իրավունք է տալիս, որ ականջները խցանով փակի։ Հովհաննես Թումանյան
- խցանակաղնու կեղևից ստացվող նյութ, որից պատրաստում են կոշկատակեր, ներքնակներ և այլն, խցանանյութ ◆ Կոշիկի ներբաններն էլ խցանից են։ (Բոգդան Վերդյան)
- էլեկտրական ապահովիչի տեսակներից մեկը
- (խոհր․) տարբեր մթերքների, ըմպելիքների, խմիչքների աբրաների, ամանների, հակերի բերանները փակելու, մթերքը պահպանելու հարմարանքներ
- (բսբ․) երկրորդային ծածկող հյուսվածքի՝ պերիդերմի արտաքին մասը, առաջանում է ֆելոգենի (խցանային կամբիում) բջիջներից
Հոմանիշներ
խմբագրել- (նորբ․) կալիչ, խցին, (հզվդ․)՝ բերանակալ(ի)չ, խից, կալան, վռան, (գվռ․)` խցկան, խցիկ
- ակնկալ, սնդկալ, խցկոց
- խցանանյութ
Արտահայտություններ
խմբագրել- խցան դնել՝ կոխել
- բերանը փակել
- ականջներին բամբակ դնել
| Ի արտաքին հոլովում | ||
| Եզակի թիվ | Հոգնակի թիվ | |
| Ուղղ. | խցան(ը) | խցաններ(ը) |
| Սեռ. | խցանի | խցանների |
| Տր. | խցանի(ն) | խցանների(ն) |
| Հայց. | խցան(ը) | խցաններ(ը) |
| Բաց. | խցանից | խցաններից |
| Գործ. | խցանով | խցաններով |
| Ներգ. | խցանում | խցաններում |
| Բաղադրյալ բառեր | |
| Թարգմանություններ | |
Աղբյուրներ
խմբագրել- Սերգեյ Ավագյան, Հայերեն-անգլերեն-ռուսերեն խոհարարական բացատրական բառարան, Երևան, «ԴԱԼԼ», 2009 — 240 էջ։
- Հարությունյան Լ․ Վ․, Թանգամյան Տ․Վ, Զավարյան Է․ Լ․ և ուրիշներ, Բուսաբանական տերմինների ռուս-հայերեն բացատրական բառարան, Երևան, ««Հայբուսակ»», 2002 — 272 էջ։
- Ալինա Մուրադյան, Նորածանոթ բառերի բացատրական բառարան (Իմաստասեր Անանիա Շիրակացի համալսարան), Երևան, 2006 — 60 էջ։