ծրագիր
Հայերեն
- ՄՀԱ՝ [t͡sɾɑˈɡiɾ]
Դասական ուղղագրութեամբ՝
վանկեր՝ ծը•րա•գիր
Ստուգաբանություն խմբագրել
Գոյական
- կատարելիք աշխատանքների՝ գործունեության ևն նախագիծ ◆ Նա յուր կենցաղի և ապագա գործունեության ծրագիրը արդեն վաղուց արել Էր։ Ռափայել Պատկանյան
- քաղաքական կուսակցության՝ պետության՝ հասարակական կազմակերպության գործունեության ու նպատակների և հիմնական սկզբունքների շարադրանք ◆ ՍՄԿԿ ծրագիր:
- որևէ համաժողովի, գիտական նստաշրջանի, կուսակցական համագումարի ևն անցկացնելու կարգն ու բովանդակությունը ◆ Համալսարանի գիտական նստաշրջանի ծրագիր:
- համերգային՝ կրկեսային ու նման ներկայացումների և ռադիո-հեռուստացուցային հաղորդումների բովանդակությունը՝ ցանկը ◆ Համալսարանի հոբելյանին նվիրված համերգի ծրագիր:
- ազդ, որի մեջ թվարկվում են ներկայացման ժամանակ՝ համերգում ևն կատարվելիք ստեղծագործությունները և դրանց կատարողները հայֆիլհարմոնիայի պատին փակցված էր լուսին ◆ Ամառայի համերգի ծրագիրը:
- թատերական ներկայացման գործող անձերի, դերակատարների և օժանդակ կազմի ցուցակը ◆ Մուտքի մոտ նա գնեց ներկայացման ծրագիրը։
- Կաղապար:ուսումնական ուսումնական առարկայի բովանդակության և մեթոդաբանական դրույթների համառոտ շարադրանքը ◆ Ընդհանուր լեզվաբանության ծրագիր:
- (հնց․) նույնն Է՝ ուսումնական պլան
- ստեղծագործության՝ գիտական աշխատության ևն համառոտ բովանդակությունը՝ պլանը
- (մսնգ․) մեքենայի՝ մեխանիզմի ևն ավտոմատիկ աշխատանքի գործողությունների պլանը որպես առաջադրանք ◆ Էլեկտրոնային հաշվիչ մեքենայի ծրագիր։
- (երաժշտ․) գործիքային երաժշտական ստեղծագործության թեմայի գրական շարադրումը, ավելի լայն իմաստով` ծրագրային երաժշտական ստեղծագործության սյուժեն
Հոմանիշներ խմբագրել
- պլան, նախագիծ, ուրվագիծ, ստվերագիծ, (հզվդ․) նախարտակ
- ծրագրություն հայտագիր
Արտահայտություններ խմբագրել
◆ Սա մեր մարտական ծրագիրն է, մեր այսօրվա ու գալիք պայքարի ուղենիշը։ Սերո Խանզադյան
◆ Որոշ ծրագիրներ եմ կազմել, թե ինչ դեպքում, ինչ ձևով պիտի գործենք։ (Մուրացան)
◆ Այսպիսի մի դատարանի պահանջ կար հայոց պատգամավորների Բեռլինի ավագաժողովին ներկայացրած ծրագրի մեջ։ (Րաֆֆի)
◆ Սկզբում կոմունիստական կուսակցության ծրագրի հիմնական կետն էր՝ տապալել ռուսական ցարիզմի բռնատիրությունը։
◆ Տոնական օրվա ծրագրում մտնում են առաջին հերթին հայկական համեղ ճաշերը։
◆ Այսօրվա համերգիի ծրագիրը փոխվեց։ Արևմտաեվրոպական երգերն ու խմբերգերը։ Ահա այս է մեր ռադիոհաղորդումների այսօրվա ծրագիրը։
◆ Նա տեսնելով հայոց դպրոցը շատ գոհացուցիչ գտավ նրա կազմակերպությունը և պահանջեց նրա ծրագիրը։ (Րաֆֆի)
◆ Հո պարտավոր չէի իմ ծրագիրը բաց անելու։ Հովհաննես Թումանյան
| Բաղադրյալ բառեր | |
| Թարգմանություններ | |
Աղբյուրներ խմբագրել
- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Կ․Ե․ Մելիք-Վրթանեսյան, Մ․ Ա․ Տոնյան, Երաժշտական բացատրական բառարան, Երևան, «Խորհրդային գրող», 1989 — 270 էջ։
- Մ․Խ․ Պողոսյան, Ֆրանսերեն-հայերեն ագրոէկոլոգիական և անտառագիտական տերմինների համառոտ բառարան (ՀԳԱ), Երևան, 2005 — 144 էջ։