հոգս
Հայերեն
- ՄՀԱ՝ [hɔɡs]
Դասական ուղղագրութեամբ՝
վանկեր՝ հոգս
Ստուգաբանություն խմբագրել
Գոյական
- սևեռուն միտք մի բանի կատարման՝ բավարարման և այլնի մասին, մտահոգություն, մտատանջություն
- հոգեկան անհանգստություն, մտատանջություն՝ ցավ, վիշտ ◆ Եկան սև օրեր ու ծանր հոգսեր: Հովհաննես Թումանյան ◆ Մոռացա բոլոր հոգսերն առօրյա։ (Վահան Տերյան)
- ուշադրություն՝ հոգատարություն մեկի կարիքների՝ պահանջների նկատմամբ, խնամք
- անհանգստություն պատճառող գործ՝ զբաղմունք
Հոմանիշներ խմբագրել
- մտահոգություն, մտատանջություն, մտմտուք, մտմտանք, անհանգստություն
- ցավ, վիշտ
- գլխացավանք, նեղություն
- խնամք, հոգածություն, հոգատարություն, հոգացողություն, հոգ, (հզվդ․)՝ տածություն, տածում, տածողություն, տածք, ծանր բեռ
Արտահայտություններ խմբագրել
- հոգս անել
- մտատանջվել, մտահոգվել
- վշտանալ, տանջվել
- հոգ տանել, հոգալ
- հոգս քաշել մեկի - մեկին խնամել, պահել, հոգս տանել
- հոգս պատճառել - անհանգստություն՝ մտատանջություն՝ նեղություն պատճառել ◆ Այդ բոլորը մեծ հոգսեր պատճառեցին բարեսիրտ ծերունի Խաչոյին։ (Րաֆֆի)
| Ի արտաքին հոլովում | ||
| Եզակի թիվ | Հոգնակի թիվ | |
| Ուղղ. | հոգս(ը) | հոգսեր(ը) |
| Սեռ. | հոգսի | հոգսերի |
| Տր. | հոգսի(ն) | հոգսերի(ն) |
| Հայց. | հոգս(ը) | հոգսեր(ը) |
| Բաց. | հոգսից | հոգսերից |
| Գործ. | հոգսով | հոգսերով |
| Ներգ. | հոգսում | հոգսերում |
| Բաղադրյալ բառեր | |
| Թարգմանություններ | |
Աղբյուրներ խմբագրել
- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։