ձեռքը չգնալ
Հայերեն դարձվածք
- ներքին ցանկություն, համարձակություն չունենալ, ձեռքը չբռնել (մի բան անելու. - հարց.) ◆ - Չեմ կարող... ձեռքս չի գնում, չեմ կարող մորթել։ ՋԽ (Երիցուկի...) ◆ Լախտն առավ Մհեր, որ զարկեր նրան, / Ձեռը չգնաց հորեղբոր վրան։ ԱԻ (Սասմա Մհեր) ◆ Ինչպես ձեռքդ կ'երթա մեծ մորդ, մեծ հորդ, գերդաստանիդ պատկերները պատռել։ «Զարթոնք» ◆ Ո՜վ կհամարձակի, ո՜ւմ ձեռքը կգնա դիպչելու այս անբասիր գեղեցկությանը։ «Եր.» ◆ Իր ձեռքովն իսկ մայս արեց։ «Արևելեան մամուլ»ի երկու թիվերուն սակայն ձեռքը վրա չգնաց: ՀրԶ (Մեր կյանքը) ◆ - Այրեցիր:...
- Ի՞նչպես վրա գնաց ձեռքդ: Օշ. ◆ Այգին իրենը չէր, բայց էլի ձեռքը վրա չէր գալիս: ՀրՄ (Միամիտ պատմություն) ◆ - Մենք նրա հոր հացը շատ ենք կերել, վենց մեր ձեռքը վրա կգեր նրանց սպանեք։ Բախտն ու Չարը
Աղբյուրներ
խմբագրել- Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։