((արևմտհ․) մեկուն ձեռքը իյնալ) մեկի ձեռքում հայտնվել ◆ -Եթե սա ընկավ նրանց ձեռքը՝ մեր դրությունը կվատանա։ Ստեփան Զորյան◆ Բայց նամակս Քալիի ծնողների ձեռքն ընկնելուց ես չէի վախենում։ Ն-Դ ◆ Դեռ անցյալ օր՝ գիրք մ’ընկավ ձեռքս: (Մաթևոս Մամուրյան)◆ -Արդեն քու ձեռքդ իյնողը ազատում չունի։ Լևոն Շանթ◆ Նրանց ձեռին վուր բան ննգնի, դե՛դի ծծիր՝ դո՜ւն բարեխոսիս։ Գաբրիել Սունդուկյան
(մեկի ձեռք ընկնել) մեկի մոտ՝ առաջ հայտնվել ◆ Աղա Գրիգոր Մոսեիչի ամուսնանալուց հետո անցել էր ամբողջ քսանևմի տարի, երբ նրա ձեռքն ընկավ Բարսեղը։ Ն-Դ ◆ -Իմ ցուցմունքներում և արձանագրություններում ամեն ինչ ապացուցված է։ Շատ լավ և հմուտ քննիչի ձեռք ընկա: Գուրգեն Մահարի◆ Իրենց չա՛ր բախտեն, հայ բժիշկի մը ձեռքը կ՚իյնային հանկարծ։ (Ռուբեն Սևակ)
(մեկի ձեռք՝ (խսկց․) ձեռքովն ընկնել) մեկի բաժին դառնալ ◆ Այդ կերևա երկու փոր ծնունդից և վատ ամուսնու ձեռք ընկնելուց հետո։ (Հրանտ Մաթևոսյան)◆ Տառերի պես շարեց ու քանդեց կյանքը ուրիշների համար, և կյանքից միայն տառերն ընկան ձեռքը: Եվ կոշտեր մարմնի վրա։ Դերենիկ Դեմիրճյան◆ Ընկեր եմ ձեռնովն անգետին. / Ֆալակ [«ճակատագիրը»] շուտով զարկեց գետին։ (Իմ խորոտիկ նազլու Դիլբար — Վան)
նվաճվել, գրավվել ◆ Լաոս այսօր շատ դյուրությամբ կրնա հյուսիսայիններուն ձեռքը իյնալ, իսկ Քամպոճի [Քամբոջի] կեսը արդեն վիեթքոնկներու [վիեթքոնգներու] ձեռքն է։ «Զարթոնք»◆ Անոնց օգնության շնորհիվ Արևմտյան Փաքիստան ազատեցավ Հնդկաստանի ուժերուն ձեռքը իյնալե: «Զարթոնք»◆ Մե յիրգիր, քաղաք թե գիղ... մե ուրիշ զուրիզ, մարթասեր, արթար տերութենի ձեռն է ննգնում: Գաբրիել Սունդուկյան
((հզվդ․) մեկի ափն ընկնել) տիրանալ ◆ -Բա լավ տղեն կթողնի, որ ոսկու պես հողն ուրիշի ձեռն ընկնի, հը՞: Ստեփան Զորյան◆ -Վերջապես Թուրքիայի առևտուրը պիտի ընկնի՞ թուրքերի ափը: (Ստեփան Ալաջաջյան)
(ձեռք՝ ափն ընկնել, (արևմտհ․) թաթը իյնալ) բռնվել ◆ -Ա՜խ, Միհրան, թե ձեռքս ես ընկել, մեծ կտորդ ականջդ կանեմ, սպասիր։ Սերո Խանզադյան◆ Ա՛լ կարելի չ'ըլլար... հետապնդողին ձեռքը չ'իյնար: (Թլկատինցի)◆ -Ճարպիկ կ՚ըլլամ որ ձեռվընին չեմ իյնար: (Թլկատինցի)◆ Երբ որևիցե հանցավոր փախչում է, ձեռք չէ ընկնում, այն ժամանակ կալանավորում են նրա մերձավորներին։ (Րաֆֆի)◆ -Աստծով՝ քիչ ժամանակից լուր կունենանք, որ կինն ու երեխայքը ձեռք են ընկել: (Պերճ Պռոշյան)◆ Կը զղջա՞ր թուրքին թաթը ինկած ըլլալուն։ Հակոբ Օշական◆ Կատաղում էր Նազարը, երկայն մահակով հարվածում էր ափն ընկած չարաճճիներին։ (Ավետիք Իսահակյան)
