(ձեռք վերցնել՝ վրա բերել՝ (խսկց․) վեր առնել, (հզվդ․) բռունցք՝ մատ բարձրացնել) խփել. խփելու պատրաստվել. ծեծել ◆ - Ձե՛նդ,-գոռաց Առաքելը, հետն էլ՝ ձեռք բարձրացրեց կնոջ վրա։ ◆ - Ինձ պետք չէ կնկա վրա ձեռք բարձրացնող մարդը։ (Գուրգեն Բորյան)◆ Ես քու յոթը պորտդ... եթե անգամ մըն ալ ձեռք բարձրացնես այս ծերունիներուն վրա։ ԳԱճ. ◆ - Վրաս ձե՛ռք վերցնել, ալ ամեն ինչ վերջացավ, հիմա հորս տունը պիտի երթամ։ (Գրիգոր Զոհրապ)◆ Չհամարձակվել ձեռք վերցնել կամ գավազան բարձրացնել հայոց ազգի զավակները գանակոծելու և գիշատելու համար։ (Միքայել Նալբանդյան)◆ - Սա՛տկած շուն, քո ի՞նչ հաղդն [«իրավունքն»] ա կնիկարմատի ձեռ վրա բերես: (Խաչատուր Աբովյան)◆ - Մեր շունը մեր աչքին սաղ սուղ է, դուն ի՞նչ կ'արժես անոր քով, որ անոր ձեռք վեր կ'առնես: Օշ. ◆ Այնքան դառնորեն լացավ երբ Քարլ և Ճոզեֆ [Ջոզեֆ] իրարու բռունցք բարձրացուցին: ՎՍար. ◆ - Մոր պսակվելու օրից, տանս տղամարդը վրաս մատ չի բարձրացրել: (Պերճ Պռոշյան)◆ Ինքը մովրովն էլ իրավունք չունի մի հատ բարձրացնել նորա վերա: ն
ուժ գործադրել ◆ Եղբայրը ձեռք է բարձրացրել եղբոր վրա, ընկերը՝ ընկերոջ, բարեկամը՝ բարեկամի: ՆԱդ.
բռնություն գործադրել, բռնանալ ◆ Ձեռք էին բարձրացնում բոլոր հսկաների և դյուցազունների վրա տիրապետելու։ Խոր. ◆ - Ո՛չ մի հագարացի չի համարձակվիլ ձեռք բարձրացնել քեզ վրա: (Մուրացան)
ոտնձգություն անել ◆ Եվ որովհետև ազգության հայտարարը դարձել է եկեղեցին, ապա ուրեմն նորա վերա ձեռք բարձրացնողը ձեռք է բարձրացնում ազգի վերա։ (Միքայել Նալբանդյան)◆ Ձևացնում է, թե ձեռք է բարձրացնում միայն մեր երկրի շահերի վրա։ «ՍՀ» ◆ համեմատության համար՝ Ինքը...եթե (գործը) ունենար էլ՝ երբեք ձեռք չէր բարձրացնի սեփական բեղերի դեմ։ Գուրգեն Մահարի
