մեկի կողմը բռնել

Հայերեն դարձվածք

(բրբ․)՝ ղոլը, դիհը բռնել (պահել)

1. մեկի՝ մի բանի կողմնակիցը լինել, կողմը պահել ◆ - Ինքդ էլ քաջ գիտես, որ պատերազմն անխուսափելի է։ Դու պետք է վճռես ում կողմը բռնել: - Իսկ ինչո՞ւ պիտի որևէ մեկի կողմը բռնեմ։ Պերճ Զեյթունցյան ◆ Սա որևէ հանգամանքում դժգոհ է մարմնական իշխանությունից - աշխատել է միշտ ժողովրդի կողմը բռնել։ Վրթանես Փափազյան ◆ Մեկ նայվածքով ըմբռնեց կացությունը, կշռեց հավանականությունները ու բռնեց իմ կողմս։ Անդրանիկ Ծառուկյան ◆ - Ես քեզի կը հավատամ և քու կողմը պիտի բռնեմ։ Աշոտ Հովհաննիսյան ◆ Աղջիկ հ'ըմեն հաղ [«անգամ»] կը բռներ էթումի [«որբի»] կողմ, զախպոր մեղավոր կը հաներ թագավորի հ'առեջ։ (Էթումի հեքիաթ) ◆ - Ուրեմն, պաճուճապատանքի, սնափառությա՞ն կողմն ես պահում օրինավոր հոր՝ թագավորի դեմ։ Շեքսպիր ◆ Նրա համար, որ իրանց սևին սպիտակ ասեն, իրանց ղոլը պահեն ու շահեն։ Հովհաննես Ճուղուրյան ◆ -Հլա լա՛վ, որ մեր Սաքոն մովրովի կշտին ա, գեղի դիհը պահում ա։ (Պերճ Պռոշյան)
2. ((բրբ․)՝ մեկի թարա ֆը բռնել) այսինչին, նրա դիրքը պայմանել, պաշտպանության տակ առնել ◆ - Իսկ եթե մերժի, եթե նորից հոգաբարձության կողմը բռնի և համարձակվի նորից երեսիս ասել, թե ըմբոստ վարժապետ եմ։ Ն-Դ ◆ «Տղադ է ըսելով ատանկ բացե ի բաց անոր կողմը մի՛ բոներ»։ Արմեն Դարյան ◆ - Տեսնի՜ս Նուբար լե ձեն չէնե [չէնե], իր մարդու կողմը կպահե։ (Հրաչյա Քոչար) ◆ Զայրմայր՝ Աքիլլեսի հետ Հեկտորի դեհն ուզեցավ պահի։ (Խաչատուր Աբովյան) ◆ - Հազիր որ ասես թե Խեչոյից ոսկոր էիր կերել ու նրա թարա ֆն էիր բռնո՞ւմ։ Վրթանես Փափազյան

Աղբյուրներ

1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։