առանց դադար առնելու. միանգամից ◆ Սահակը մի շնչով վազեց գյուղ։ Ստեփան Զորյան◆ Գրեցի (վեպը) մի շնչով, մի քանի օրվա մեջ։ Ն-Դ ◆ Ինք մեկ շնչով տերտերին տունը վազեց։ (Հակոբ Մնձուրի)◆ Բայց սանդուխները չկրցավ առնել սովորական քայլափոխովը, մեկ շունչեն: (Հակոբ Մնձուրի)◆ Եվ Հասմիկը մինչև Արմենենց տուն մի շնչում բան է։ (Հրանտ Մաթևոսյան)◆ Այսօր առավոտյան գրասենյակն եկա, և մենակ լինելով մի սորումը վեց թերթից մի վեպ գրեցի։ Հովհաննես Թումանյան◆ - Մեկ անգամեն հընցեխ (այնպես) բան մը էնիմ օր, ըսենց, նեկ նեֆեսով խալըսի [«վերջանա»]։ (Թլկատինցի)◆ - Անգամ մը որ կայնի, կերթա, մինչև անապատը մեկ սոլուխ կերթա։ (Վահան Թոթովենց)
թափով. հախուռն ◆ - Թեհրանում էր, որ / Բռնեցինք գրազ, / Մեկ շնչով հանդարտ / Թռա քառսուն գազ։ (Ավետիք Իսահակյան)◆ Հայաստանի բովանդակ ժողովուրդ, մեկ մարդու պես և մե՛կ շունչով՝ արձակած պիտի ըլլա սրտաճմլիկ «վա՜խ Պարույր» մը։ Անդրանիկ Ծառուկյան
իսկույն, մի վայրկյանում ◆ Այստեղից Բալակլավան՝ ոնց որ ափիդ մեջ։ Վազիր բարցունքն ի վար և մի շնչով կհասնես։ (Բաղիշ Հովսեփյան)◆ - Կարծեմ Գոհարիկս հիվանդ է... Եվ մեկ շունչով վազեց վերի սենյակը։ Զապել Եսայան◆ Նրա Bedtime stories սկավառակի երեք միլիոն օրինակը մեկ շնչում վաճառվեց։ «Եթեր»◆ «Երիտասարդ թուրքերին» հաջողվեց հարյուրամյակների գործը մի շնչում կործանել։ Ֆրանց Վերֆել
միանգամից (գլխին քաշելով) ◆ Նա մի շնչով խմեց իր բաժին գարեջուրը ու բաժակը մեկնեց ինձ։ Մերուժան Տեր-Գուլանյան◆ Հայրս մեկ շնչով պարպեց օղիին մեծ բաժակը։ Սիմ ◆ Թունդ արաղով շինած փունջը մի շնչում գլուխը քաշում (է), կոնծում։ (Պերճ Պռոշյան)◆ Թասը մինչև տակը մի շնչի ծծում (է)։ (Պերճ Պռոշյան)◆ Սրանց տեհավ թե չէ վրա վազեց, էրկսին էլ մի հանքի ուտի։ Աղվեսը ◆ - Թե որ ուզեմ, երկու ղազան (պղինձ) կերակուրը մի նափասըմը (շնչումը) կուտեմ։ (Մուրացան)
