շորվա
Հայերեն
- ՄՀԱ՝ [ʃɔɾˈvɑ]
Դասական ուղղագրութեամբ՝
վանկեր՝ շոր•վա
Ստուգաբանություն
խմբագրելշորվա 1
խմբագրելՎան, Տիգրանակերտ՝ մսով ու ձավարով (բրնձով) կամ յուղով ու ձավարով (բրնձով) ապուր ◆ Սասունում ... սովորական էր թանապուրի, շորվայի, սիսեռով ձավարի և անմիս և անյուղ ճաշերի գործածությունը։ (Եղիազար Կարապետյան) ◆ Էսօր ամեն տան էլ անպատճառ պտի մատաղի ջրով շորվա ըլի։ (Պերճ Պռոշյան) ◆ Կէրթա տեսնա՝ հանդե էթումն ու ուր քաղցրիկ դադեն նստուկ դեմուդեմ, գլուխգլուխի ձավար գիստըկին, օր շուրվա էփին։ (Հայ ժողովրդական հեքիաթներ)
- մսաջուր ◆ Մատաղի մնացած շորվին բրինձ էին քցել, շիլա շինել։ (Պերճ Պռոշյան) ◆ Ասըմ ա. - Տուն եկեք, շորվա խմենք։ (Հայ ժողովրդական հեքիաթներ)
- Մալաթիա, Արաբկիր՝ ապուր ◆ Չորթան չորպան խմեի, Յարուս տանը ըլլեի։ Փոլատ
- Հավարիկ՝ կաթնապուր
- Մալաթիա՝ մածունով ու ոսպով ապուր
- Մուշ՝ լոկ ձավարով՝ կորկոտով ու ջրով եփած ջրալի կերակուր ◆ Ամենապարզ կերակուրն էլ շուրվան կամ վռիկը, որը բաղկացած էր լինում լոկ ջրից և ձավարից։ Բնս ◆ Թաքավոր կասա. - Էփեցեք քսանը մեկ ղազան չորբա էփեցեք, թե կերան, ախչիկ կը տանեն, թա չէ, ախչիկ չենք իսա։ (Գարեգին Սրվանձտյան) ◆ Կորկոտը, ինչպես ծեծածը, ավելի դյուրամարս կը համարի գյուղացին, քանի պղլուրը. այս պատճառով հիվանդներուն կորկոտ ապուր (չորպա) կը կերցնեն, փոխանակ բրինձապուրի։ (Հ. Սարգսյան)
Հոմանիշներ
խմբագրել- տե՛ս ապուր
Արտահայտություններ
խմբագրել- անժուռ շորվա ◆ Մշ լոկ ջրով ու ձավարով եփած կերակուր ◆ Ամենապարզ կերակուրն էր շուրվա կամ վռիկը, որը բաղկացած էր լինում լոկ ջրից ու ձավարից, այդ կոչվում էր անժուռ շուրվա: Բնս
- բանջարով շուրվա Մուշ՝ լոկ ջրով ձավարով ու բանջարով եփած կերակուր
- եղը շուրվեն խարաբ չի անել Ղարաբաղ՝
- ուտելիքը համեղացնող՝ ավելի սննդարար դարձնող լավ բանից չպետք է հրաժարվել
- գործին նպաստող հավելումը չպետք է մերժել
- էժան մսի շորվեն չի ուտվի Կարին, Շիրակ՝
- էժան միսը շեորվա չի ըլի Ուրմիա՝
- էժան մսի շորվեն շունն է կերել Կարին, Ջավախք՝
- էժան մըսու շուրվեն չուդվի Մուշ՝
- վուտուժ հավին շոռվան համ չի ունենա Նոր Նախիջևան՝
- շեն տան խարս՝ շուրվի թամարզյու Վան՝ հարուստները ժլատ են, հարուստները ժլատությունից՝ ամենահասարակ ու նահրաժեշտ բաներից նույնիսկ իրենց զրկում են, ընտանիքի անդամներին զուրկ են պահում
- ոսպով շորվա Մուշ՝ ջրով, ձավարով ու ոսպով եփած կերակուր
| Բաղադրյալ բառեր | |
| Թարգմանություններ | |
| |
շորվա 2
խմբագրել- Մուշ, Ալաշկերտ՝ կեղտ, աղտ
Արտահայտություններ
խմբագրել- շուրերու շուրվեն, եղընգներու կարմիր հինեն Մուշ, Ալաշկերտ՝ ասվում է ամբողջովին կեղտոտ այն մարդու մասին որը փոխանակ իր կեղտը մաքրելու, արտառոց՝ աչք ծակող՝ իր վրայի կեղտի հետ անհամատեղելի հարդաանք է անում
շորվա 3
խմբագրել- Ղարաբաղ՝
Արտահայտություններ
խմբագրել- շորվա կտրել, հաղթվել
շովա 4
խմբագրել- Թբիլիսի՝
Արտահայտություններ
խմբագրել- շորերու շորվեն վեր գալ, շորերը հինանալ ◆ Շուրերու շորվեն վեր է էի։ (Գրիգոր Տեր-Ալեքսանդրյան)
Աղբյուրներ
խմբագրել- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։