սիրաշահել ◆ Թագավորի սիրտը շահելու համար էլ մի քսակ ոսկի նվեր են տանում ժողովուրդի կողմից։ (Ավետիք Իսահակյան)◆ Եվ այդ նկատումները կը կայանային վարժապետի թաղեցվոց երևնալու և անոնց «սիրտը շահելու» մեջ։ Տիգրան Կամսարական◆ Իր ամեն կարելին ըրավ սիրաշահելու համար Նասերի սիրտը։ «Զարթոնք»
մի բանով մեղմացնել, հանգստացնել (անհարմար դրություն հարթելու համար) ◆ Բայց Օհանեսն ուզում էր շահել կնոջ սիրտը և մեղմել նրան հասցրած վիրավորանքը։ Ստեփան Զորյան◆ «Արուսը ինձ շատ էր նեղացրել, դրա համար էլ որպեսզի սիրտս շահի՝ այս ծաղիկները բերեց»։ Շահեն Թաթիկյան◆ - Խաթրն եմ առնում, ինձ պետք է գալիս՝ սիրտը շահում եմ, թե չէ՝ երկ' օրումն իժ օձի պես կշանթեմ։ (Պերճ Պռոշյան)
մի բանով համակրանքը վաստակել ◆ Յուր այդ հարուստ ընծաներով, արդարև, Յուսուփը թագավորի սիրտը շահեց։ (Մուրացան)◆ Գազային [կազային, «գավառիե»] մեծահարուստ մեկ պեյին [բեյին] աղջիկներուն դաս կու տար ու շահած էր սիրտը անոր կնոջ։ Հակոբ Օշական◆ Նա իր ժողովրդավար ու «այլախոհ» բաժակաճառերով ժողովրդի սիրտը շահի, դուր գա։ «Հայաստանի Հանրապետություն»◆ Նարիման կը հուսար վերստին սիրաշահել իր տղուն սիրտը։ «Արարատ»
դեպի իրեն գրավել ◆ Չգիտեր ինչ աներ Լուիզայի սիրտը շահելու համար։ ԱլՇ ◆ Ծրագիրներ պատրաստեց այդ աղվոր սևաչվի աղջկան սիրտը բոլորովին շահելու համար։ Եր ◆ Նախագահը նրա սիրտը շահելու համար դարձել է կոլտնտեսության վերստուգիչ հանձնաժողովի նախագահ։ «Հայաստանի Հանրապետություն»
մի բանով գոհացնել ◆ - Աղա ջա՛ն, շատեն-քչեն, մի-մին բան կհավաքենք, քո սիրտը շահենք, աչքի տակով անց կացրո՛ւ։ (Պերճ Պռոշյան)◆ Բարի և աննճարակ ծերուկ մըն էր դռնապանը։ Որևէ ձևով կը հաջողեինք սիրտը շահիլ և դուրս ելլել։ Անդրանիկ Ծառուկյան
մեկին մի բանով այսինչ բանն անելու հակել ◆ Ընկեր բանդալյանն․․․եկել է սիրտս շահի, որ ընկերներիս մատնեմ։ (Խաժակ Գյուլնազարյան)◆ Գիշերը ջրի մեջ ցորեն էին լցնում՝ անձրևաբերության աստծու սիրտը շահելու համար։ Պերճ Զեյթունցյան