Վիքիբառարան

ստորագրություն

Հայերեն

«ստորագրություն» ժեստը հայերեն ժեստերի լեզվով
  • ՄՀԱ՝ [stɔɾɑɡɾutʰˈjun]

Դասական ուղղագրութեամբ՝ ստորագրութիւն

վանկեր՝ (ը)ս•տո•րագ•րութ•յուն 

Ստուգաբանություն խմբագրել

Գոյական

  1. անուն-ազգանվան կամ դրանց կրճատումով կազմվող տառերի յուրահատուկ գրային-գծագրական ինքնագիրը ◆ Ընկեր Շմավոնի ստորագրությունը չէր կարելի կեղծել։ (Նաիրի Զարյան)
  2. այն անուն-ազգանունը կամ կեղծանունը, որ մեկը դնում է իր գրածների (երկի, հոդվածի և այլնի) տակ ◆ Թղթակցում էր մեր լրագրերին Արմենակ ստորագրությամբ։ (Նար-Դոս)
  3. ստորագրությամբ հաստատված՝ վավերացված փաստաթուղթ (վկայական, ստացագիր և այլն)
  4. որևէ բանի տակ՝ դիմաց կամ վրա ստորագրելը որպես համաձայնության հավաստում ◆ Գնանք բժշկի մոտ, գուցե ձեզանից հարկ լինի ստորագրություն վերցնել։ (Անահիտ Սահինյան)
  5. ստորագրելը, ստորագրվելը
  6. (հնց․) նկարագրություն

Հոմանիշներ խմբագրել

  1. (հնց․) դրոշմագրություն, ենթագրություն, ձեռք դնել (ժղ․)
  2. տե՛ս ստացական (1)

Արտահայտություններ խմբագրել

  1. ստորագրություն բանալ՝ բացել՝ բաց անել՝ հավաքել
    1. որևէ բանի համար մասսայական կերպով մարդկանց ստորագրել տալ որևէ կարգի փաստաթղթի (համախոսականի, բողոքի, դիմումի և այլնի) վրա
    2. որևէ կարգի հանգանակության համար անուն-ազգանունը և նվիրատվության չափը գրելով ստորագրել տալ նվիրատուներին
  2. ստորագրություն տալ
    1. ստորագրությամբ երաշխավորել՝ հավաստել որևէ բան
    2. ստորագրությամբ վավերացված փաստաթուղթ (ստացական, պարտավորագիր, վկայական և այլն տալ)

Աղբյուրներ խմբագրել

  • Ֆարիդ Գրիգորյան, Ռազմագիտական տերմինների դպրոցական հայերեն-ռուսերեն թարգմանական-բացատրական բառարան (Մակմիլան-Արմենիա), Երևան, 2006 — 144 էջ։
Ստացված է «https://hy.wiktionary.org/w/index.php?title=ստորագրություն&oldid=1692645» էջից