վայ քո տղիս տղա

Հայերեն դարձվածք

1. (խսկց․) նախատական արտահայտություն է․ ◆ -Վա՜յ քո տղիս տղա։ Ծո՛, խելքնե՞րդ եք կորցրել, թե՞ նզովք է մտել ձեր ցեղի մեջ։ Դերենիկ Դեմիրճյան ◆ -Վա՛յ քու տղիս տղա, յիս նրան հազար թուրման կու շանց տամ։ Գաբրիել Սունդուկյան
2. անհանգստության արտ․ է ◆ -Վայ քո տղիս տղա, ասա՝ օրն էգուց բանը կբացվի, և մենք կխայտառակվենք։ (Պերճ Պռոշյան) ◆ «Տո հրեն գալիս են՝ վա՜յ քո տղիս տղա»։ (Խաչատուր Աբովյան)
3. մոլոր մտքի մեջ ընկնելու արտահայտություն է ◆ Մոլլեն ու կնի՞կ - Վա՜յ քո տղիս տղա՝ / Լսողն չի՛ ասիլ, թե Մոլլեն գիժ ա։ ◆ -Վա՛յ քու տղիս տղա, էլ հիմա ո՞ւր իմ գնում։ Գաբրիել Սունդուկյան

Աղբյուրներ

1. Պետրոս Սարգսի Բեդիրյան, Հայերեն դարձվածքների ընդարձակ բացատրական բառարան, Երևան, «Երևանի Պետական Համալսարանի Հրատարակչություն», 2011։