ցեղասպանություն

Հայերեն

Արտասանություն

ՄՀԱ: [tsʰɛʁɑspɑnuˈtʰjun]

վանկեր՝ ցե·ղաս·պա·նու·թյուն 

Գոյական

1. բնակչության առանձին խմբերի՝ ազգային փոքրամասնությունների՝ ժողովրդի ոչնչացում՝ կոտորած՝ ռասայական, ազգայնական կամ կրոնական շարժառիթներով գենոցիդ
2. (միգ․) հետևյալ գործողություններից որևէ մեկը, որը կատարվել է ազգային, էթնիկական, ռասայական կամ կրոնական որևէ խումբ լրիվ կամ մասնակի ոչնչացնելու մտադրությամբ, ինչպես օրինակ՝ այդ խմբի անդամների սպանությունը, այդ խմբի անդամներին մարմնական լուրջ վնասվածքներ կամ հոգեկան վնաս պատճառելը, կյանքի այնպիսի խմբային պայմանների վրա միտումնավոր ազդեցություն գործելը, որը կարող է հանգեցնել լրիվ կամ մասնակի ֆիզիկական ոչնչացմանը, այդ խմբի շրջանակներում մանկածնությունը կանխելուն միտված միջոցներ սահմանելը, երեխաներին մի խմբից մյուսը հարկադիր տեղափոխելը
3. տե՛ս նաև հանցագործություն, միջազգային հանցագործություն, մարդկության դեմ ուղղված հանցագործություն, համընդհանուր իրավազորություն
4. (իրավգ․) խաղաղության և մարդկության անվտանգության դեմ ուղղված հանցագործությունների մեջ մտնող՝ մարդկության անվտանգության դեմ ուղղված հանցագործությունների խմբին պատկանող հանցագործության կոնկրետ տեսակ, ինչն իրենից ներկայացնում է ազգային, էթնիկական, ռասայական կամ կրոնական որևէ խմբի լրիվ կամ մասնակի ոչնչացման նպատակով այդ խմբի անդամներին սպանել, նրանց առողջությանը ծանր վնաս պատճառել, մանկածնությանը խոչընդոտել, երեխաներին հարկադրաբար մարդկային այդ խմբից այլ խմբի հանձնել, բռնությամբ վերաբնակեցնել կամ այլ խմբի լիովին կամ մասամբ ֆիզիկական ոչնչացման նպատակով կյանքի այլ պայմաններ ստեղծել
5. (դիվ․) բնակչության առանձին խմբերի ոչնչացում ըստ նրանց ռասայական, ազգային, կրոնական կամ այլ հատկանիշների։ Ցեղասպանությունը կարող է տեղի ունենալ սպանությունների, ֆիզիկական կամ հոգեկան ծանր վնասվածներ հասցնեու, կյանքի անտանելի պայմաններ ստեղծելու միջոցներով,որոնք ուղղված են թիրախ խմբի մասնակցի կամ ամբողջական ոչնչացմանը

Հոմանիշներ

1. ազգասպանություն, ժողովրդասպանություն

Աղբյուրներ

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։

• Միգրացիայի ոլորտի տերմինների բառարան, Գյումրի, «Միգրացիայի Միջազգային Կազմակերպություն», 2013 — 175 էջ։
• Ա.Ս. Ոսկերչյան, Քրեաիրավական տերմինների արդի համառոտ բացատրական բառարան: Քրեական իրավունք, քրեադատավար. իրավունք, Երևան, «ԵԳԵԱ», 2004 — 184 էջ։
• Վ․Վ․ Փիլիպոսյան, Մարդու իրավունքների անգլերեն-ռուսերեն-հայերեն բացատրական բառարան («Երիտասարդ ինտելեկտուալների միություն» հիմնադրամի մատենաշար), Երևան, 1997 — 67 էջ։
• Լիլիթ Թութխալյան, Դիվանագիտական տերմինների և հապավումների բառարան (Տիգրան Մեծ), Երևան, 2004 — 56 էջ։

Վիքիպեդիայում հոդված կա հետևյալ թեմայով՝ Ցեղասպանություն: