փոխել
Հայերեն
- ՄՀԱ՝ [pʰɔˈχɛl]
Դասական ուղղագրութեամբ՝
վանկեր՝ փո•խել
Ստուգաբանություն
խմբագրելԲայ
- իր ունեցածը՝ մոտինը տալով վերցնել՝ ստանալ ուրիշի ունեցածը, փոխանակել ◆ Աշնանը հեռու տեղից սեխ էին բերում գյուղ, փոխում գարու հետ (Ակսել Բակունց)
- որևէ բան փոխարինել մի ուրիշ բանով, մի բանի տեղ ուրիշ բան դնել՝ ներկայացնել ևն ◆ Չար հարսը գիշերը փոխում Է նամակը Հովհաննես Թումանյան
- վերածել, նախկինից մի այլ բան դարձնել ◆ Դարերի ժանգից մաքրված մետաղ, դու անկարելին կարելի փոխած (Սողոմոն Տարոնցի)
- այլափոխել, կերպարանափոխել, այլ կերպարանք՝ գույն՝ տեսք տալ ◆ Հյուսիսի սառն օդը փոխել Էր նրա դեմքի ցորնագույնը (Ակսել Բակունց)
- մի բանի մեջ որևէ կարգի փոփոխություն մտցնել, եղածի ամբողջությունը՝ հարազատությունը՝ ստուգությունը խախտել ◆ Ապաշնորհ արտագրողները փոխել են բնագրի շատ հատվածներ
- մի տեղ թողնելով՝ այլ տեղ գնալ՝ հաստատվել, որևէ բանի հատկացված տեղը փոխել ◆ Բնակավայրը՝ լսարանը՝ նստարանը փոխել
- հաջորդ աստիճանին՝ կարգին ևն անցնել, ըստ կարգի՝ աստիճանի ևն հաջորդականության մեկից մյուսն անցնել ◆ Նա դարձյալ պատվավոր մրցանակով փոխեց դասատունը (Մուրացան)
- վճիռը՝ կարգադրությունը ևն փոխարինել այլ վճռով՝ որոշումով՝ կարգադրությամբ ևն ◆ Գերագույն դատարանը փոխել Է դատարանի վճիռը և ավելի խիստ պատժի Է ենթարկել հանցագործին
- որոշումը՝ մտադրությունը՝ կարգադրությունը ևն չեղյալ հայտարարել, հրաժարվել որոշումից՝ կարգադրությունից՝ մտադրությունից ևն ◆ Նա այնքան անհաստատամիտ չէ, որ ուրիշների թելադրանքով փոխի իր որոշումը
- վերափոխել, վերակառուցել, հեղաշրջել ◆ Այս հին աշխարհը կփոխենք մենք մինչև հիմքերը - և հետո մեր նոր աշխարհը կշինենք մենք։
- նախկին պաշտոնը՝ զբաղմունքը ևն փոխարինել ուրիշ պաշտոնով՝ զբաղմունքով ևն ◆ Նա վաղուց է փոխել իր արհեստը
- պաշտոնյային՝ ծառայողին՝ բանվորին և այլն փոխարինել նորով՝ ուրիշով ◆ Դպրոցի դիրեկտորին փոխել են
- (փխբ․) նախկին վիճակը՝ տեսքը՝ դրությունը չպահպանել, այլակերպել, եղծել, խաթարել ◆ Ժամանակը չէր կարողացել փոխել նրա դեմքը
- նոր ընթացք՝ ուղղություն տալ ◆ Դեպքերը փոխեցին նրա կյանքը, և նա իր երազանքներին հրաժեշտ տվեց
- (փխբ․) վերադաստիարակել, հոգեկան՝ մտավոր՝ վարքուբարքի նոր ոգի՝ նոր ուղղություն տալ ◆ 0՜, նրանց փոխելու համար սերունդներ են պետք։ Եղիշե Չարենց
- կեղծել, աղավաղել, աղճատել ◆ Խրոխտ ու կտրռւկ կխոսեր միշտ, փոխելով, սքողելով իր ձայնը; (Գրիգոր Զոհրապ)
- շեղել, ծռել, թեքել ◆ Թռչունների երամը հանկարծ փոխում է ուղղությունը;
Հոմանիշներ
խմբագրել- փոխանակել
- փոխարինել
- վերածել, վերափոխել, փոփոխել
- այլափոխել, կերպարանափոխել, կերպափոխել
- տե՛ս վճռափոխել
- տե՛ս վերակառուցփլ
- մանրել, մանրացնել, խուրդել
- տե՛ս շտկել
- տե՛ս փոփոխել
- տե՛ս կեղծել
- տե՛ս շեղել
- տե՛ս վերադաստիրակել
Արտահայտություններ
խմբագրել| Բաղադրյալ բառեր | |
| Թարգմանություններ | |
| |
Աղբյուրներ
խմբագրել- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։