Կաղապար:Օրվա բառ/Հոկտեմբերի 19, 2015 թ.
հավասար ած
Հայերեն
Դասական ուղղագրութեամբ՝ հաւասար
վանկեր՝ հա•վա•սար
Ստուգաբանություն
Փոխառություն իրանական աղբյուրից՝ *hāvasār. հմմտ. պարթևերեն hāv(a)sār:
Ածական, մակբայ
- միևնույն չափի՝ քանակի՝ ծավալի ◆ Ընկան քաջեր, անթիվ քաջեր, բերդի գլխին հավասար: Հովհաննես Թումանյան
- միևնույն որակի, միևնույն կարգի, միատեսակ ◆ Սարն ամենքիս է հավասար: Հովհաննես Թումանյան
- միանման, անփոփոխ ◆ Հավասար քայլով չափում էր ճամփան այն քարավանը ոլոր ու մոլոր: (Ավետիք Իսահակյան)
- հարթ, տափարակ
- կոկ, ոչ խորդուբորդ
- խտրություն չճանաչող՝ չթույլատրող՝ չդնող, անխտիր
- ընդհանուրին վերաբերող՝ հատուկ, ընդհանուր, բոլորի
- միևնույն ռիթմով՝ չափով, համաչափ
Հոմանիշներ
- համահավասար, զուգահավասար, նույնչափ, հավասարաչափ, միաչափ, հավասարակից, նույնքան, նույնաքանակ, հավասարակշիռ, միակշիտ, բարեբար (գվռ․)
- միատեսակ, միանման, նույննանման, համանման, զուգանման, զուգադաս, զուգական, հավասարակարգ, (հին) հանգետ, հանգիտավոր, հանգիտամետ
- տե՛ս հարթ
- տե՛ս անխտիր
Արտահայտություններ
- հավասար աչքով նայել (մտիկ անել) - բոլորին նույն ձևով վերաբերվել ◆ Էն եմ ուզում, որ ամեն մարդի էլ հավասար աչքով մտիկ անես, մեկին ավար չանես, մյուսին խավար: Հովհաննես Թումանյան