Կաղապար:Օրվա բառ/Հունիսի 1, 2016 թ.
Հայերեն
Դասական ուղղագրութեամբ՝ խրտուիլակ
վանկեր՝ խ(ը)րտ•վի•լակ
Ածական
- թռչուններին վախեցելու և փախցնելու համար այգիներում` բոստաներում և այլուր դրված, խամաճիկ ◆ Ես կտեսնեմ շատ խաչեր... նույնիսկ այն խրտվիլակների կրծքին, որոնց ցցում են արտերում ճնճղուկների դեմ: (Ակսել Բակունց)
- ծղոտով` չոր խոտով և այլնով լցված մարդակերպ պաճուճապատանք` որպես թիրախ
- կենդանու կամ թռչունի` որևէ բանով լցրած մորթ` իբրև թանգարանյին ցուցանմուշ
- մարդաբոյ պուպրիկ` զգեստներ հագցնելու` ցուցադրելու համար ◆ Դեզդեմոնան ու Էմիլիան հողմակոծ նավից ցամաք են իջել ցուցափեղկերի խրտվիլակների պես հարդարված։ (Վահրամ Փափազյան)
- (փխբ․) ոչ գործունյա` շշմած մարդ
- (փխբ․) կամազուրկ` ինքնուրույնությունից զուրկ` մեկի խաղալիքը դարձած մարդ ◆ Նա ի՞նչ մարդ է, որ սեփական կարծիք ունենա, խրտվիլակ է։
- (փխբ․) նիհարած` չոփ կտրած մարդ ◆ Կարծես սյունի վրայից նայողը Անդոն չէր, այլ անմարմին մի խրտվիլակ։ (Ակսել Բակունց)
- (փխբ․) անգույն` անդեմ՝ անարյուն կերպար` հերոս, կյանքից՝ կենսունակությունից զուրկ կերպար ◆ ◆ Նորերը (գրողները) կամենալով եվրոպացի լինել, խրտվիլակներ են ստեղծագործում մարդկանց տեղ։ (Վահան Տերյան)