Կաղապար:Օրվա բառ/Մարտի 7, 2016 թ.

պատրաստություն գո

Հայերեն

Դասական ուղղագրութեամբ՝ պատրաստութիւն

վանկեր՝ պատ•րաս•տու•թյուն 

Ստուգաբանություն

պատրաստ + -ություն

Գոյական

1. պատրաստ լինելը, պատրաստ վիճակ
2. որևէ բանի համար կատարվող նախապատրաստական աշխատանքների՝ միջոցառումների և այլնի ամբողջությունը
3. հմտություն, գիտելիքներ, մտավոր զարգացում ◆ Այդ չքավոր ու կիսակիրթ տիրացուն, յուր ողորմելի պատրաստությամբ, ավելի շատ է շորթում, քան մենք զարգացածներս: (Մուրացան)
4. որևէ բանի համար անհրաժեշտ՝ պիտույքների՝ պաշարի՝ հանդերձավորման և այլնի ամբողջությունը ◆ Մի՞թե յուր բոլոր պատրաստությունները պետք է ապարդյու՞ն մնային: (Րաֆֆի) ◆ Մայրն էր հոգում նրա ճանապարհի պատրաստությունը: (Ակսել Բակունց)
5. որևէ գործի՝ զբաղմունքի և այլնի պատրաստված լինելը և դրա աստիճանը՝ մակարդակը, պատրաստականություն
6. հոժարություն, պատրաստակամություն
7. պատրաստելը, պատրաստվելը ◆ Թեյ խմելու մեծ ցանկությունը հիշեցրեց Կամսարյանին ճաշի պատրաստության բոլոր պատմությունը: (Մուրացան)

Հոմանիշներ

1. հմտություն, պատրաստականություն, հմտավարժություն, վարժվածություն, վարժություն
2. նախապատրաստություն
3. տե՛ս պատրաստակամություն

Արտահայտություններ

1. պատրաստություն տեսնել
   1. պատրաստվել, նախապատրաստվել ◆ Շուտ արեք, հարսանիքի պատրաստություն տեսեք: Հովհաննես Թումանյան
2. պաշար հավաքել՝ ամբարել՝ պատրաստել ◆ Դե, պատմիր, ի՞նչ պատրաստություններ է տեսել իմ ճանապարհորդության համար: (Րաֆֆի)
   1. մտադրվել, մտքում դնել
3. պատրաստություն ունենալ
   1. պատրաստ լինել
   2. նախապատրաստված լինել
   3. պատրաստականություն՝ գիտելիքների, հմտությունների և այլնի անհրաժեշտ պաշար՝ ունակություն ունենալ

շարունակել․․․