անցնել
Հայերեն
- ՄՀԱ՝ [ɑnt͡sʰˈnɛl]
Դասական ուղղագրութեամբ՝
վանկեր՝ անց•նել
Ստուգաբանություն
խմբագրելԲայ
- շարժվել, գնալ մի տեղից մի այլ տեղ ◆ Զորամասին հրամայեցին անցնել լեռները։
- գնալ որոշ ուղղությամբ ◆ Այդտեղից քարավանն անցավ դեպի մուշ։
- գնալով հեռանալ, զատվել, հեռու գնալ ◆ Անցար քո խաղով կանացի։ (Վահան Տերյան) ◆ Տարիներ անցան իրարու ետև։ (Ավետիք Իսահակյան)
- ոտքով զբոսնել, ման գալ ◆ Նա սովորաբար ամեն երեկո անցնում էր Աբովյանով։
- գերազանցել ◆ Հասնել և անցնել առաջավոր երկրներին
- փոխադրվել, գնալ տեղից տեղ, մեկից մյուսին, հաջորդին ◆ Թիթեռի պես մեկից մյուսին ես անցնում։
- գնալով վերջանալ, ավարտվել, վախճանին հասնել ◆ Էս էլ կանցնի հանց երազում, թասդ բե՛ր։ Հովհաննես Թումանյան ◆ Իր հիվանդությունը սովորական տենդ է, մի քանի օրից բոլորովին կանցնի։ Սերո Խանզադյան
- ըստ ժամանակի հեռանալ, անցյալ դառնալ ◆ Մանկության օրե՛ր, երազի նման անցաք, գնացիք։ (Միքայել Նալբանդյան)
- հնանալ, ժամանակին չհամապատասխանել (տարազի, սովորությունների և այլն մասին) ◆ Այդ տարազը այլևս չի գործածվում, անցել է։
- մեկից առաջ ընկնել, առաջը կտրել ◆ Շուտով հետապնդողները անցան փախստականից և փակեցին նրա ճանապարհը։ Գրական թերթ ◆ Հասնել և անցնել։ ◆ Չես անցնի ինձ, մի՛ չարչարվիր, չես անցնի, թե կարող ես՝ ե՛կ բռնիր։ Սերո Խանզադյան
- որևէ բանի մի կողմից մյուսը գնալ, փոխադրվել ◆ Մենք ստիպված եղանք լաստերով անցնել գետը։
- մի բանի վրայով մի կողմից մյուսը ցատկել ◆ Տղամարդկանց համար դժվար չէր առուն անցնել, իսկ կանանց խանգառում էր շրջազգեստի նեղությունը ։
- նեղ տեղով, անցքով և այլն մի տեղից մյուսը գնալ, դուրս գալ ◆ Թունելն անցնելով գնացքը դուրս եկավ ընդարձակ հովիտը։
- խոսակցության, քննության նյութը փոխել, ուրիշ հարց շոշափել ◆ Հաշվետվությունը քննարկելուց հետո անցան թեկնածուների առաջադրմանը։
- տեղի ունենալ, կատարվել, պատահել ◆ Նա պատմեց մեզ, թե ինչեր են անցել օկուպացված քաղաքում։ Ե
- ձգվել, տարածվել, ընկած լինել ◆ Ճանապարհն անցնում է լեռներով։ ◆ Իմ ճամփեն կանցնի Բինգյոլա սարեն։ (Ավետիք Իսահակյան)
- թողնել–հեռանալ, հրաժարվել, ձեռք քաշել ◆ Շատ մի գոռա անցի՛ր:
- խորը գնալ, սուզվել, մտնել ◆ Գնդակն անցել էր թոքերի մեջ։
- արժեք, հարգ ունենալ խոսքը, ասածը անցնել ◆ Նրա խոսքն անցնում է։
- քվեարկությամբ կամ քննարկությամբ ընդունվել, ընտրվել, ընդունվել, հավանության ստանալ ◆ Նրա բոլոր առաջարկությունները քվեարկվեցին կետ առ կետ և անցան միաձայն։ Սերո Խանզադյան ◆ Ձայների մեծամասնությամբ նրա ասածը անցավ։
- զանց առնել, անտես առնել, անտեսել, հաշվի չառնել օրենքը՝ կարգը՝ որոշումը ◆ Կարգն ու օրենքը անցնել չի լինի։ Հովհաննես Թումանյան
- մարել, հանգչել, ճրագը, օջախը անցնել (ժղ․)
- ավելանալ, գերազանցել ◆ Գինեմոլների թիվն է անցել վեց հազարից։
- հանդիպել, այցելել ◆ Երեկոյան կանցնեմ քեզ մոտ։ ◆ Ես կանցնեմ պաշտոնյայի մոտ և կգողանամ գաղտնիքը։ Դերենիկ Դեմիրճյան
- թափանցել, մի բանի միջով մի կողմից մտնելով մյուսից դուրս գալ ◆ Գնդակն անցել էր թոքերով։ ◆ Չարախինդ սուլելով ցուրտը թրի նման զարկեց անցավ ոսկորները։ Հովհաննես Թումանյան
- անցողիկ կերպով երևալ, երևալ ու չքանալ, ցոլալ ◆ Մի զարմացական ժպիտ անցավ նրա բարի դեմքի խորշումների միջով։ (Րաֆֆի) ◆ Երբեմն… շրթունքների վրա թրթռում էր գոհունակության ժպիտը, երբեմն էլ դեմքի վրայով տխրության ստվեր էր անցնում։ Սերո Խանզադյան
- հոսել-գնալ ◆ Փողոցների միջով հեղեղ էր անցնում։ ◆ Տեսել ես ծերուկ ժայռերի միջով կատղած անցնելիս գետը փրփրած։ Հովհաննես Հովհաննիսյան
- որոշ տարածությամբ ճանապարհ կտրել, որոշ տարածություն գնալ ◆ Մեքենան անցնում էր ժամում հարյուր կմ։
- (դպրոց․)ուսումնասիրել, սովորել ◆ Դուք գերմաներեն անցնու՞մ եք։ ◆ Այսօր թվաբանությունից անցանք կոտորակները։
- ներել ◆ Այս անգամ անցա, բայց մյուս անգամ այլևս ներում չսպասես։
Հոմանիշներ
խմբագրել- տե՛ս գնալ
- տե՛ս գերազանցել
- տե՛ս հնանալ
- տե՛ս փոխադրվել
- տե՛ս վերանալ
- տե՛ս պատահել
- տե՛ս մեռնել
- տե՛ս նիհարել
Արտահայտություններ
խմբագրել- անցնել մեկի կողմը – մեկին կողմնակից դառնալ
- անցնել մի բանի կողքով՝ կողքից – ուշադրություն չդարձնել մի բանի վրա, անտեսել
| Թարգմանություններ | |
Կապ
- Արարատյան՝ բացի ◆ Քեզանից անցել ես աշխարհումն էլ ո՞ւմ ունեմ։ (Հրաչյա Աճառյան)
Հոմանիշներ
խմբագրելԱրտահայտություններ
խմբագրել| Բաղադրյալ բառեր | |
Թարգմանություններ
խմբագրելԹարգմանություն
Դերանուն
- Գավաշ, Խիզան, Շատախ՝ այնքան
- այնպես, այնպիսի ◆ Անցկուն ի, գնա․․․ մեկ ձի քե խամա առ պի։ Ահ
Հոմանիշներ
խմբագրելԱրտահայտություններ
խմբագրել| Բաղադրյալ բառեր | |
Թարգմանություններ
խմբագրելԹարգմանություն
Աղբյուրներ
խմբագրել- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։