դիրք

Հայերեն

Գոյական

1. (տնտգ․) իրավիճակ, դրություն․ հաճախորդի պայմանագրերի գումար արժեթղթերի կամ ապրանքային շուկայում անավարտ ժամկետային գործարքների վերաբերյալ՝ բարձրացման կամ իջեցման վրա խաղի ժամանակ
2. ապրանք, արտադրանք, որը պատրաստ է առաքման կամ բեռնման
3. ամիս, որի ընթացքում թույլատրված է ֆյուչերսային պայմանագրով ապրանքի մատակարարում

Արտասանություն

վանկեր՝ դիրք 

1. դրվածք, դրվելու՝ զետեղվելու ձև, դրություն
2. զորքի դասավորության տեղը ռազմադաշտում
3. հասարակության կամ ծառայության մեջ մարդու գրաված տեղը, աստիճան, պաշտոն
4. մարմնի կամ նրա մի մասի ընդունած դրությունը՝ վիճակը
5. որոշակի ուղղություն ներկայացնող սկզբունքների՝ հայացքների համակարգ
6. գրքի՝ լրագրի մեծություն, չափս (ֆորմատ)
7. ռազմական ամրություն՝ կառուցում
8. շախմատի և այլ խաղերի մեջ՝ քարերի՝ ֆիգուրների դասավորությունը խաղի տվյալ փուլում
9. տվյալ միավորի՝ բաղադրիչի տեղը կառուցվածքի մեջ (գիտ․)
10. դիրքորոշում, կողմնորոշում, վերաբերմունք (փխբ․)
11. վիճակ, դրություն (հնց․)
12. (երաժշտ․) դրություն, ձախ ձեռքի դրությունը լարային նվագարանի (գործիքի) նվագակոթի (գրիֆի) վրա

Հոմանիշներ

1. դրվածք, տեղադրություն
2. կայք, կայություն, նիստ (հնց․)
3. դրություն, կացություն, վիճակ
4. կեցվածք
5. դիրքավորում, վերաբերմունք, վարմունք
6. պաշտոն, տեղ, աստիճան, բարձ, գահ (հնց․)
7. ամրություն
8. խրամատ

Արտահայտություններ

1. դիրք բռնել, գրավել, մտնել ― 1. * [[դիրքավորվել, դիրքերում տեղավորվել։ 2. վերաբերմունք ցույց տալ, վերաբերվել։ 3. դիրք ընդունել։ 4. հասարակության մեջ որոշակի աստիճան, պաշտոն ունենալ
2. դիրք ընդունել ― դիրք, կեցվածք ընդունել նկարվելու համար
3. դիրքերն ամրացնել ― 1. ամուր պաշտպանություն ստեղծել։ 2. իրեն պաշտպանելու անհրաժեշտ միջոցներ օգտագործել։ 3. հաստատվել, ամրանալ, տեղը պնդացնել
4. դիրքերը թողնել, լքել ― գրաված դիրքերից ետ քաշվել
5. դիրքերը ճշտել ― որոշակի վերաբերմունք արտահայտել, կողմնորոշվել
6. դիրքերը զիջել ― 1. իր տեղը, պաշտոնը, հեղինակությունը զիջել մեկ ուրիշին։ 2. տեղի տալ, նահանջել։
7. դիրքերից ընկնել
8. առանցքային դիրք - կարևոր դիրք, պաշտոն, որը չի կարող թափուր լինել, երբ երկրում պատերազմ է կամ արտակարգ իրադրություն
9. գրավված դիրքի ամրացում
10. դիրքի գրավում
11. ելման դիրք -
    1. դիրք (կեցվածք)՝ տեղ, որը որևէ օբյեկտ զբաղեցնում (ընդունում) է նախքան գործողության սկսելը
    2. այն վերջին դիրքը, որն զբաղեցնում են զորքերը հարձակման (հակահարձակման) անցնելու համար
12. լրացուցիչ կրակային դիրք
13. (նորբ․) հատիչ դիրք - դիրք, որն ստեղծվում է դեպի զորաթևեր հակառակորդի տարածմանը խոչընդոտելու, կրակային պարկեր ստեղծելու, հակառակորդի զորամասերը դեպի կրակով ծածկապաշտպանված արգելափակոցներ ուղղելու նպատակով, ծառայում է նաև որպես նախապատրաստված բնագիծ հակառակորդի գրոհը տեղից կրակով հետ մղելու և նրան վճռորոշ թևային հակահարվածներ հասնելու համար
14. հարմար դիրք
15. պաշտպանական դիրքերի ամրացում - տե՛ս ամրաշինություն
16. պառկած կրակելու դիրք

Թարգմանություններ
անգլերեն՝ position, location հունարեն՝ θέση գերմաներեն՝ դանիերեն՝ իսպաներեն՝ իտալերեն՝ հոլանդերեն՝ շվեդերեն՝ պորտուգալերեն՝ ռուսերեն՝ расположение (ru) ‎(raspoloženije), позиция (ru) ‎(pozicija), поза принципы (ru) ‎(poza principy) վրացերեն՝ პოზიცია ֆրանսերեն՝ position

Աղբյուրներ

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։

• Կ․Ե․ Մելիք-Վրթանեսյան, Մ․ Ա․ Տոնյան, Երաժշտական բացատրական բառարան, Երևան, «Խորհրդային գրող», 1989 — 270 էջ։
• Ֆարիդ Գրիգորյան, Ռազմագիտական տերմինների դպրոցական հայերեն-ռուսերեն թարգմանական-բացատրական բառարան (Մակմիլան-Արմենիա), Երևան, 2006 — 144 էջ։
• Կիրակոսյան Գրիգոր, Ղուշչյան Համազ, Տիգրանյան Իշխան, Տնտեսագիտական բացատրական բառարան (Ամարաս), Երևան, 1999 — 464 էջ։
• Ալինա Մուրադյան, Նորածանոթ բառերի բացատրական բառարան (Իմաստասեր Անանիա Շիրակացի համալսարան), Երևան, 2006 — 60 էջ։