թափահարել
Հայերեն
- ՄՀԱ՝ [tʰɑpʰɑhɑˈɾɛl]
Դասական ուղղագրութեամբ՝
վանկեր՝ թա•փա•հա•րել
Ստուգաբանություն
խմբագրելԲայ
- թափ տալ, ցնցել ◆ Բազեները, որ մինչև այդ րոպեն խաղաղ թառած էին զինակիրների ձեռքի վրա… սրածայր թևքերը թափահարեցին։ (Րաֆֆի)
- օրորել, տատանել, տարուբերել ◆ Վասիլը հարբած քնել էր գետափի ուռիների տակ, երբ թափահարելով նրան զարթնեցրեց գզիրը։ (Ակսել Բակունց) ◆ Դռանը զարկեց բռունցքով… հետո սկսեց դուռը թափահարել։ (Ակսել Բակունց)
- թափ տալով փոշին մաքրել ◆ Կակաչի միջուկի սևության երկար թարթիչները բացուխուփ լինելիս թափահարում էին օդը։ Դերենիկ Դեմիրճյան
- ցնցումներով վեր ու վար նետել (սայլի, մեքենայի մասին) ◆ Բարդիները երկնասլաց հիմա հիշում են երգը նրա և գլուխները թափահարում։ Եղիշե Չարենց
- շարժել (պոչը, ձեռքերը, ոտքերը և այլնը) ◆ Տղան տուփը թափահարեց, վրանի առաջ պառկած շունը կուլ տվավ մսի կտորները։ (Ակսել Բակունց)
- թափ հաղորդել, բորբոքել (փխբ․) ◆ Երբ ձիերը թափահարում էին, սայլը ցնցվում և առաջ էր մղվում։ ◆ Ոտքերը գետնին թափահարեցին, հավանաբար կոշիկներու ձյունը թոթվելու համար։ Ռուբեն Զարդարյան
- առաջ մղել (փխբ․) ◆ Արգելող զինվորների դեմ բարձրացավ Առաքելը, որ անասելի թափահարեց բազմությունը։ Դերենիկ Դեմիրճյան
- հոգեպես ցնցել, մուղել (փխբ․) ◆ Հեղինակները հատկապես ծանր տեսարաններ էին հարում, որ թափահարեն դիտողին։
- հանդիմանել, քննադատել պարսավել (փխբ․) ◆ Մի քիչ թափահարիր քեզ, շարժվիր, դուրս արի լույս աշխարհ։ (Նար-Դոս)
Հոմանիշներ
խմբագրել- ցնցել, ժժխել (գվռ.), ժաժահարել, թափթփել, թափ (թափեթափ, թափ-թափ) տալ,
- տե՛ս օրորել, տատանել
- տե՛ս շարժել
- տե՛ս հանդիմանել, քննադատել
- շարժել, խառնել
Արտահայտություններ
խմբագրել| Բաղադրյալ բառեր | |
| Թարգմանություններ | |
| |
Աղբյուրներ
խմբագրել- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Կարինե Գրիգորյան, Արմեն Մարտիրյան, Սննդի անվտանգության, սննդի քիմիայի և սննդարտադրական տեխնոլոգիաների անգլերեն-հայերեն-ռուսերեն տերմինաբանական համառոտ բառարան (ԵՊՀ հրատարակչություն), Երևան, «Երևանի պետական համալսարան», 2017 — 72 էջ։