Վիքիբառարան

թուխպ

Հայերեն

Դասական ուղղագրութեամբ՝


Ստուգաբանություն խմբագրել

Գոյական

  1. մառախուղ, մշուշ, մեգ ◆ Մթին թուխպերի թանձրությունից մի հիսուն քայլ հեռավորության վրա ոչինչ չէր կարելի տեսնել։ (Րաֆֆի) , ◆ Բայց այդ մռայլը նման էր մի թեթև թուխպի, որ գալիս, սքողում է գեղեցիկ մայիսյան օրը։ Դերենիկ Դեմիրճյան
  2. ամպ ◆ Ուժգին, ցրտաբեր փչում է հյուսիս, սև-սև թուխպերով պատվում է Մասիս։ Ռափայել Պատկանյան , ◆ Երկինքը ծածկված էր սև թուխպերով: Սաստիկ քամին և որոտը գուշակում էին մոտալուտ մրրիկ։
  3. օդի մեջ տարածված փոշու ամպ ◆ Սքողում էին հողի թուխպերով անծիր դաշտերը։ (Ավետիք Իսահակյան)
  4. (փխբ․) վիշտ, նեղություն ◆ Ամպ ու թուխպ է եկել պատել հայ եղբորս սև կյանքին, երկար լալուց արցունքն հատել․ էլ վերջ չկա տանջանքին։ Անդրանիկ Ծառուկյան
  5. (փխբ․) մթություն, խավար ◆ Եվ անուրջներ ոսկեզօծ՝ լուռ մտքիս մեջ կը պարեն, դուրս վանելով անոր հոծ թուխպը լույսի փապարեն։ (Միսաք Մեծարենց)
  6. (փխբ․) վերահաս վտանգ՝ աղետ ◆ Ես տեսնում էի այդպիսի չարագուշակ թուխպ պտտվում է քո հայրենի երկրի վրա։ (Րաֆֆի) ◆ Նրանց վրա չեն ծանրանա հրթիռամիջուկային պատերազմի ահեղ թուխպերը։ (Մամուլ)
  7. (փխբ․) տխրություն, մռայլություն ◆ Կարծես մի սև թուխպ անցավ Մելիք-Մանսուրի ուրախ դեմքի վրա։ (Րաֆֆի)

Հոմանիշներ խմբագրել

  1. մշուշ, մեգ, մառախուղ, բալ, շամանդաղ, մռայլ, դուման, մուժ, մըժ, մռեժ, մռեջ
  2. տե՛ս ամպ

Արտահայտություններ խմբագրել

  1. թուխպերը վրան կախված լինել, իրեն թուխպերով պատած պահել- տխուր լինել, ծանր մտահոգությամբ պաշարված լինել, ◆ Ինչ ասել է այդ, որ դեռ թուխպերը կախված են վրադ։ Շեքսպիր , ◆ Եղբայրը ծածուկ վերադարձել է Ֆրանսիայից, և որոճում է կասկածներով, իրեն պահում է թուխպերով պատած։ Շեքսպիր

Աղբյուրներ խմբագրել

Ստացված է «https://hy.wiktionary.org/w/index.php?title=թուխպ&oldid=1779934» էջից