Հայերեն
Դասական ուղղագրութեամբ՝ ծառայութիւն
վանկեր՝ ծա•ռա•յու•թյուն
Ստուգաբանություն
խմբագրել
ծառա + -ություն
Գոյական
- ծառա լինելը, ծառայի զբաղմունքը՝ վիճակը՝ դրությունը ◆ Ծառայության մտքի հետ նա վաղուց հաշտվել էր։
- հիմնարկային ծառայողի աշխատանքը՝ պաշտոնը՝ զբաղմունքը ◆ Ուրեմն հենց այս րոպեից կերթամ Գուստավին հայտնելու, որ թողնում եմ ծառայությունս: (Մուրացան) ◆ Պարսից ոչ մի պաշտոնակալ առանձին ռոճիկ չէ ստանում յուր ծառայության համար։ (Մուրացան)
- տնային ծառայողի՝ սպասավորի գործը՝ զբաղմունքը՝ աշխատանքը ◆ Իր ծառայքն էլ դես ու դեն էին գնում, որ իրանց ծառայությունը կատարեն։ (Արփիար Արփիարյան) ◆ Գիքորը պետք է տունը մաքրեր, ամանները լվանար… ու էս տեսակ մանր ծառայություններ, մինչև մի տարի։ Հովհաննես Թումանյան
- պաշտոնական պարտականություն, այն, ինչ որ մեկը պարտավոր է անել ըստ պաշտոնի ◆ Նա մոռանում է նույնիսկ հարազատ եղբորը, երբ ծառայությունն այդ պահանջում է։
- զինվորական պարտավորություն, զինծառայություն ◆ Նա բանակում պարտադիր ծառայությունը վերջացնելուց հետո վերադարձավ։
- ըստ պահանջի կամ հանգամանքների այլևայլ մանր աշխատանք՝ սպասավորություն ◆ Մայրը զմայլվում է՝ տեսնելով, որ աղջիկը փոքր ծառայութուններ է անում հյուրերին։ (Րաֆֆի) ◆ Նա հաճախ գնում էր նրա մոտ և խոհանոցում փոքրիկ ծառայություններ էր անում։ (Մուրացան)
- որևէ մասնագիտացված աշխատանքային բնագավառ, ինչպես և այդ բնագավառը վարող հիմնարկությունը՝ կազմակերպությունը ◆ Եղանակի ծառայություն, վթարային ծառայություն:
- ֆիզիկական աշխատանք ◆ Դրանք ըստ մեծի մասին Հայաստանից եկած գաղթականներ են, որ մայրաքաղաքում կատարում են համալի, թուլում-բաջիի… և ուրիշ շատ ստոր ծառայություններ: (Րաֆֆի)
- զինվորական աշխատանքի որևէ բնագավառ և դրան սպասարկող հիմնարկների համակարգը բանակի կազմում ◆ Բանակի բժշկական ծառայություն, հետախուզական ծառայություն:
- որևէ կառույցի՝ տնտեսության օժանդակ շենքերը ◆ Քանդվել են օժանդակ ծառայությունները:
- վարձու ֆիզիկական աշխատանք (ոչ արտադրության մեջ)
- մեկին՝ մի բանի օգուտ բերող կամ օգնություն հանդիսացող գործունեություն, լավություն ◆ (Միքայելն)… շատ բանով պարտավոր է համարում իրան և ցանկանում է մի փոքր ծառայություն անել իր բարեկամին։ (Րաֆֆի) ◆ Աշխարհում ոչ միայն երախտագետ չեն լինում անձնվեր մարդկանց, այլև նրանց ծառայությունը փոխարինում են միշտ սև ապերախտությամբ։ (Մուրացան)
- արվեստի՝ գիտության կամ ժողովրդական տնտեսության որևէ բնագավառում կատարած արդյունավետ գործունեություն ◆ Կառավարությունը բարձր գնահատելով Հրաչլա Աճառյանի ծառայությունները՝ շնորհեց նրան գիտության վաստակավոր գործչի կոչում։
- ի նպաստ որևէ անձի՝ երկրի՝ գործի՝ գաղափարի՝ գործողություն՝ արարք և այլն ◆ Նա ուրիշ շատ ծառայություններ կատարեց Շուշի բերդի բռնակալի օգտին ի վնաս հայոց մելիքների։ (Րաֆֆի) ◆ Շատ ցանկալի էր, որ մեծ պարոնը մի օր տպագրությամբ ի լույս ածեր իր ուսումնասիրած պատմական հարուստ նյութերը, որով մեծ ծառայություն արած կլիներ մեր աղքատ գրականությանը։ (Րաֆֆի)
- մասնագետի զբաղմունքը, մասնագիտություն ◆ Բժիշկները չեն պարապում ազատ պրակտիկայով, այլ արքունական պաշտոնի մեջ են վարում իրենց ծառայությունը: (Րաֆֆի)
- ծառայելը
- (հվքկն․) (հզվդ․) ծառաների հավաքական ամբողջություն, բոլոր ծառաները ◆ Ողջ ծառայությունը խմբվել էր այնտեղ։
- (ծառյ․) սահմանվում է որպես նպատակուղղված աշխատանք, որի ընթացքում ոչ թե նյութական արժեքներ կամ արտադրանք է ստեղծվում, այլ բավարարվում են մարդկանց տարատեսակ պահանջմունքները
- (պաշտանվ․) պաշտոնական պարտականություն
- կառավարման այն հաստիքային մարմինների ու զինվորական կազմավորումների համակարգը, որոնք նախանշանակված են ըստ իրենց մասնագիտացման ապահովելու և սպասարկելու զորքերը (ուժերը)
- զորամասերում ամենօրյա ծառայողական գործունեությունը
- հրամանատարների և շտամբների կողմից կազմակերպվող և իրագործվող այն միջոցառումների համալիրը, որոնք նպատակաուղղված են զորքերի ուժերի կողմից իրենց խնդիրների հաջող կատարման ապահովմանը
- արվեստի՝ գիտության կամ հասարակության կենսագործունեության որևէ այլ բնագավառում կատարած արդյունավետ գործունեությունը
- մեկին որևէ օգուտ բերող կամ օգնություն հանդիսացող գործունեություն
- տե՛ս զինվորական ծառայություն
- (մռկ․) սպասարկման եղանակ․ տարբերում են ընկերության արտաքին հաճախորդներին մատուցվող ծառայություններ և ներքին «ենթակառուցվածքային ծառայություն», որը կապված է ընկերության ներքին օժանդակ ծառայությունների կողմից հիմնական ստորաբաժանումներին ցուցաբերած աջակցության հետ (օրինակ՝ տեղեկատվական տեխնոլոգիաների բաժինը իրավաբանական ծառայությունը հաշվապահությունը, մարդկային ռեսուրսների բաժինը և այլն)
- սպասավորություն, սպասակալություն, (հնց․), նոքարություն (գվռ․)
- պաշտոնավարություն, աշխատակցություն, պաշտոնակալություն, ծառայողություն, պաշտոնավորություն (հնց․)
- սպասարկություն, սպասարկում
- պարտականություն
- տե՛ս օգնություն
- տե՛ս գործունեություն
Արտահայտություններ
խմբագրել
- ծառայություն մատուցել
- գործել՝ գործունեություն ծավալել մեկի՝ մի բանի օգտին ◆ Ինչքան շատ ես ծառայություն մատուցում, այնքան շատ են ստորացնում քեզ։ Դերենիկ Դեմիրճյան
- մեկի համար թեթև գործ կատարել
- իր ծառայությունն առաջարկել
- որևէ մեկի համար ծառայություն մատուցելու պատրաստակամություն արտահայտել ◆ Հենց որ գրագիրների մեջ միտք էր հղանում նախաճաշելու, Իսկույն Միկիթը առաջարկում էր նրանց յուր ծառայությունը: (Մուրացան)
- որևէ կարգի օգնություն առաջարկել (դրամական, տնտեսական և այլն
- ծառայության պատրաստ լինել - ծառայելու՝ օգտակար լինելու պատրաստ լինել
- ծառայությունը տրամադրել - տե՛ս ծառայությունն առաջարկել ◆ Մի քանի փաստաբաններ ձրի տրամադրեցին իրենց ծառայությունը: (Վահան Թոթովենց)
- բարձր ծառայություն - պետական պատասխանատու պարտականություն
- ծառայություն գտնել - աշխատանքի տեղավորվել
- ծառայության մտնել - իբրև հիմնարկային ծառայող աշխատանքի ընդունվել
- արջի ծառայություն - այնպիսի օգնություն, որ օգուտ բերելու փոխարեն վնասում է
- ծառայությունը մեկի ոտքի առաջ դնել՝ ծառայությանը պատրաստ լինել - մեկի հրամանը՝ կարգադրությունը կատարելու պատրաստակամ գտնվել, մեկին ծառայելու՝ օգտակար լինելու ցանկություն ունենալ ◆ Պարտավորվում ենք դնել մեր բոլոր ծառայությունը ձեր ոտքի առաջ և սպասում ենք ձեր հրամաններին։ Շեքսպիր ◆ Պատրաստ եմ, տեր իմ, ձեր ծառայության: Շեքսպիր
- ծառայություն ցույց տալ - ծառայել
- ծառայության ցուցակ կամ ցուցակ ծառայության - ցուցակ-փաստաթուղթ, ուր նշված են որևէ մեկի կատարած աշխատանքները ◆ Այստեղ չեմ բերում ոչ մի ցուցակ ծառայությանը, ոչ ծննդյան վկայականս, ոչ ծանոթներիս ու բարեկամներիս ցուցակները։ (Թարգմ.)
- այլընտրանքային ծառայություն-ծառայություն առանց զենքի․ քաղաքացիների պարտադիր պետական ծառայություն, որը փոխարինում է զինվորական ծառայությանը և կիրառում է մեծ թվով այն պետություններում, որտեղ պահպանվում է համընդհանուր զինապարտությունը
- այլընտրանքային քաղաքացիական ծառայություն-քաղաքացիների պարտադիր հատուկ քաղաքացիական ծառայություն, որը համաձայն օրենսդրության՝ փոխարինում է զինվորական ծառայությանը, ծառայություն առանց զենքի
- անասնաբուժական ծառայություն-զորքի թիկունքային ապահովման տեսակ, զորամասերի մշտական տեղաբաշխման վայրերում անասնաբուժասանիտարական և անասնաճարակային իրադրության բարելավմանը, մարդու և կենդանիների համար ընդհանուր հիվանդություններից անձնակազմի պաշտպանությանն ուղղված հատուկ միջոցառումների համալիր
- արձակում զինվորական ծառայությունից-օրենքով սահմանված կարգով զինծառայողի ազատում ԶՈՒ-ում հետագա ծառայությունից
| Ա ներքին հոլովում
|
|
|
Եզակի թիվ |
Հոգնակի թիվ
|
| Ուղղ. |
ծառայություն(ը) |
ծառայություններ(ը)
|
| Սեռ. |
ծառայության |
ծառայությունների
|
| Տր. |
ծառայության(ը) |
ծառայությունների(ն)
|
| Հայց. |
ծառայություն(ը) |
ծառայություններ(ը)
|
| Բաց. |
ծառայությունից |
ծառայություններից
|
| Գործ. |
ծառայությամբ |
ծառայություններով
|
| Ներգ. |
ծառայությունում |
ծառայություններում
|
Թարգմանություններ
խմբագրել
| պաշտոնական պարտականություն
|
|
|
| զինվորական պարտավորություն
|
|
|
- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Տիգրան Սարգսյան, Իրինա Սահակյան, Ծառայությունների ոլորտի բացատրական համառոտ բառարան, Երևան, «ԵՊՀ հրատարակչություն», 2016 — 162 էջ։
- Դ․Ս․ Չիլինգարյան, Ե․Լ․ Երզնկյան, Պաշտպանական-անվտանգային տերմինների հայերեն-ռուսերեն-անգլերեն բացատրական բառարան, Գյումրի, «ՀՀ ՊՆ ռազմավարական հետազոտությունների ինստիտուտ», 2015 — 1196 էջ։
- Մ․Մ․ Ռոզենտալի, ՄՌ կառավարման բացատրական բառարան (Կասկադ Քնսալթընս), Երևան, 2012 — 68 էջ։
