հետք
Հայերեն
- ՄՀԱ՝ [hɛtkʰ]
Դասական ուղղագրութեամբ՝
վանկեր՝ հետք
Ստուգաբանություն
խմբագրելԳոյական
- ոտքի թողած դրոշմը գետնի՝ հատակի ևն վրա, ոտնատեղ ◆ Ձյունի վրա պարզորոշ կերպով երևում էր հովազի թաթերի հետքը:
- որևէ մեկի գնացած ուղղությունը՝ գտնված տեղը ◆ Շատ որոնեցին, բայց չկարողացան փախստականների հետքը գտնել։
- որևէ բանի շարժման կամ հարվածի հետևանքով որևէ մակերեսի վրա բացված փոս՝ ակոս՝ գիծ ◆ Անվի հետք:
- մատների՝ ձեռքի ևն թողած դրոշմը որևէ բանի վրա ◆ Նրա արջաթաթի նման ձեռքի հետքը մնացել էր ավազի վրա (բանավոր խոսք)
- որևէ բանի մնացորդ ◆ Արյան հետքը մնացել Էր հատակին։
- որևէ բանից (հարվածից, վերքից ևն) մնացած բիծ՝ կապտուկ՝ սպի ևն մարմնի վրա ◆ Գնդակը նրա աջ ձեռքին անջնջելի հետք էր թողել։
- (փխբ․) որևէ բանի բնորոշ արտահայտություն՝ նշան՝ դրոշմ ◆ Տառապանքները նրա վաղաթառամ դեմքին իրենց հետքն Էին թողել։
- (փխբ․) որևէ մնայուն ազդեցություն՝ հիշողություն՝ տպավորություն ◆ Մանկության դաժան օրերը ծանր հետքեր էին թողել նրա հոգու մեջ։
- (փխբ․) որևէ գործունեության՝ իրադարձության մնայուն հետևանք՝ արդյունք ◆ Այստեղ մենք տեսանք պատերազմի առաջին հետքերը:
- (փխբ․) հիշատակ, մնայուն գործ ◆ Նա ուզում էր իրենից հետո մի հետք թողնել։
- (փխբ․) ուղղություն, որին հետևում են։
- (բացառական հոլով)՝ հետքից - ետևից
- (պաշտանվ․) որևէ բանի ազդեցությունից պահպանված նշան, դրոշմ
Հոմանիշներ
խմբագրել- ոտնատեղ, ոտնահետք, հետարան
- դրոշմ, կնիք, նշան
- մատնահետք
- սպի
- դրոշմ
Արտահայտություններ
խմբագրել| Բաղադրյալ բառեր | |
| Թարգմանություններ | |
Աղբյուրներ
խմբագրել- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Դ․Ս․ Չիլինգարյան, Ե․Լ․ Երզնկյան, Պաշտպանական-անվտանգային տերմինների հայերեն-ռուսերեն-անգլերեն բացատրական բառարան, Գյումրի, «ՀՀ ՊՆ ռազմավարական հետազոտությունների ինստիտուտ», 2015 — 1196 էջ։