ողկույզ
Հայերեն
- ՄՀԱ՝ [vɔʁˈkujz]
Դասական ուղղագրութեամբ՝ ողկոյզ
վանկեր՝ ող•կույզ
Ստուգաբանություն
խմբագրելՀին կազմություն՝ ող և կուզ տարրերից, որոնցից երկրորդն ամենայն հավանականությամբ համընկնում է ընկույզ բառի կոյզ-ի հետ և պահպանվել է առանձին՝ կուզ «ճութ» բառի մեջ։ Ող բաղադրիչը կարող է գալ հնդեվրոպական *el- գույնանիշ արմատի *ol- ձայնադարձային ձևից. հմմտ. հին հնդկերեն oruna- «կարմրավուն, ոսկեգույն», ավեստերեն arusa- «սպիտակ»։
Գոյական
- մեկ ցողունի վրա աճած պտուղների անբողջություն՝ կուտակություն, ճիթ, ճութ
- (բսբ․) ծաղկաբույլի տեսակ, պարզ բոտրիկական ծաղկաբույլ է, երկարացրած գլխավոր առանցքով և ծածկող տերևների ծոցից դուրս եկող ծաղկակոթունների վրա նստած ծաղիկներով
- ուղկույզաձև պատկեր, ողկուզանկար
- բշտիկավոր գեղձերի (օրինակ թքագեղձի, կաթնագեղձի) ծայրային հյութազատիչ հատվածը
- (խոհր․) խաղողի, որոշ այլ բույսերի հատապտուղների տարբեր մեծության և գույների հավաքածու, օգտագործելիս ողկույզից պոկում անջատում են հատապտուղները
Հոմանիշներ
խմբագրել- ճութ, ճիթ, ճռիկ, ճիռ, ճուռ, կույզ, կուզ, զնգլսակ, զնգռակ, զնգուռ, թնթիռն (հնց․)
- ողկուզանկար
- (խոհր․) տե՛ս ճութ
Արտահայտություններ
խմբագրել| Ի արտաքին հոլովում | ||
| Եզակի թիվ | Հոգնակի թիվ | |
| Ուղղ. | ողկույզ(ը) | ողկույզներ(ը) |
| Սեռ. | ողկույզի | ողկույզների |
| Տր. | ողկույզի(ն) | ողկույզների(ն) |
| Հայց. | ողկույզ(ը) | ողկույզներ(ը) |
| Բաց. | ողկույզից | ողկույզներից |
| Գործ. | ողկույզով | ողկույզներով |
| Ներգ. | ողկույզում | ողկույզներում |
| Բաղադրյալ բառեր | |
| Թարգմանություններ | |
Աղբյուրներ
խմբագրել- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Սերգեյ Ավագյան, Հայերեն-անգլերեն-ռուսերեն խոհարարական բացատրական բառարան, Երևան, «ԴԱԼԼ», 2009 — 240 էջ։
- Հարությունյան Լ․ Վ․, Թանգամյան Տ․Վ, Զավարյան Է․ Լ․ և ուրիշներ, Բուսաբանական տերմինների ռուս-հայերեն բացատրական բառարան, Երևան, ««Հայբուսակ»», 2002 — 272 էջ։