պատվեր
Հայերեն
- ՄՀԱ՝ [pɑtˈvɛɾ]
Դասական ուղղագրութեամբ՝ պատուէր
վանկեր՝ պատ•վեր
Ստուգաբանություն
խմբագրելԾագում է պահլավերեն *patveẟ «ծանուցում, հայտարարություն» բառից, որի առավել նոր ձևն է մանիքեական պահլավերենի ptvid «ծանուցում, հայտարարել» բառը։ Կազմված է *pat նախդիրից և *vēẟ «գիտենալ» արմատից։
Գոյական
- որևէ բան պատրաստելու, արտադրելու, տրամադրելու հանձնարարություն ◆ Կոշիկի, զգեստի, համերգային տոմսերի պատվեր:
- պատվիրած, պատվիրված իրը առարկան, արտադրանքը ◆ Արտելի աշխատողները որոշել են եռամսյակի ընթացքում պատվերները հանձնել պատվիրատուներին Ե
- հանձնարարություն (առավելապես վերադասից ստորադասին) ◆ Պատվեր ուներ վարկաբեկել և տապալել նրան։ (Նաիրի Զարյան)
- ցանկություն, առաջարկ ◆ Մեր պատվերով ընթրիք է պատրաստում, դնում սեղանի վրա։ Հովհաննես Թումանյան (ժղ․)
- հրահանգ, կարգադրություն ◆ Նա հրամայեց դահճապետին կատարել նախօրոք իրան տրված պատվերը: (Մուրացան) (փխբ․)
- պատվիրան, պատգամ, ավանդ ◆ Քրիստոս հարյավ… երկինք գնաց, երկնքում թողեց պատվերները. բայց պատվերը գրքում մնաց, և աշխարհը հեծում է դեռ։ Հովհաննես Թումանյան
Ածական
Մակբայ
- միայն պատվիրելով կատարվող, արտադրվող, պարտաստվող ◆ Պատվեր արտադրանք։
- պատվերների, արված առաջարկների, արտահայտված ցանկությունների համաձայն կազմակերպված, ծրագրված, հաղորդվող ◆ Պատվեր համերգ։
Հոմանիշներ
խմբագրել- հանձնարարություն, առաջադրանք, առաջադրություն (որևէ բան պատրաստելու, արտադրելու, տրամադրելու)
- հանձնարարություն, ապսպրանք (որևէ բան կատարելու) (ժղ․),
- տե´ս առաջարկ
- տե´ս պատվիրան, պատգամ
- տե´ս կարգադրություն
Արտահայտություններ
խմբագրել- պատվեր անել - պատվիրել
- պատվեր դնել - պատվիրել
- պատվեր տալ - պատվիրել
| Ի արտաքին հոլովում | ||
| Եզակի թիվ | Հոգնակի թիվ | |
| Ուղղ. | պատվեր(ը) | պատվերներ(ը) |
| Սեռ. | պատվերի | պատվերների |
| Տր. | պատվերի(ն) | պատվերների(ն) |
| Հայց. | պատվեր(ը) | պատվերներ(ը) |
| Բաց. | պատվերից | պատվերներից |
| Գործ. | պատվերով | պատվերներով |
| Ներգ. | պատվերում | պատվերներում |
| Թարգմանություններ | |
Աղբյուրներ
խմբագրել- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։