պատրաստել
Հայերեն
Բայ
- ՄՀԱ՝ [pɑtɾɑsˈtɛl]
Դասական ուղղագրութեամբ՝
վանկեր՝ պատ•րաս•տել
- որևէ բան գործածելու, օգտագործելու համար պատրաստ վիճակի բերել ◆ Սղոցարանը նա պատրաստել է քառասուն օրում։ (Ակսել Բակունց)
- սովորեցնել, անհրաժեշտ գիտելիքներ, հմտություններ և այլն տալ որևէ նպատակի համար ◆ կադրեր պատրաստել ◆ Նա շրջանավարտներին պատրաստում է բուհական ընդունելության քննությունների համար։
- աշխատել որևէ բան կատարելու, ձեռք բերելու համար, սովորել ◆ դասը, դերը պատրաստել
- ուտելիք, խմելիք և այլն եփել, թխել, եռացնել ◆ ճաշ, թել, ձվածեղ պատրաստել
- որևէ բանի պաշար ստեղծել, հավաքել, ամբարել հետագայի համար ◆ Կոլտնտեսությունը հարկ եղած քանակով սիլոս է պատրաստել:
- որևէ բան կանխատեսելով նախապատրաստել դրան, նախատրամադրել, հակում, միտում, տրամադրություն ստեղծել ◆ Նա պատրաստեց քրոջը ծանր լուրը հայտնելուն։
- որևէ բան մտածել, մտքով նախապատրաստել, նյութել, մտքով պատրաստվել մի բան անելու, իրականացնելու ◆ Նա թափառելով գիշերը անահ, մռայլը դեմքին դժոխքի նման նամարդի համար պատրաստել է մահ։ (Վ. Միրաքյան)
- մշակել, արտադրել ◆ Գործարանը արդեն պատրաստում է նորաձև կոշիկներ։
- մի բան անելու նախապատրաստվել ◆ Նրանք պատրաստվեցին շրջկոմի քաղտուղարին դիմելու՝ խնդրի շտապ լուծման համար։
- գրելուվ, մտածելով և այլն կազմել, հաղորդելու, հանձնելու, ներկայացնելու համար պատրաստի վիճակի բերել ◆ զեկուցումը, հաշվետվությունը, նամակը պատրաստել
- սարքել, շինել, կերտել ◆ Այնուհետև աշխատում էր նա այդ գերանից պատրաստել մի լաստափայտ։ (Րաֆֆի)
- որևէ բան առաջացնել, պատճառել ◆ Ավելի լավ է այժմյանից ճշմարտությունը ասել և ապագայում ցավ չպատրաստել ոչ ինձ և ոչ ձեզ համար։ (Մուրացան)
- կազմակերպել, սարքել ◆ Նա քեզ համար որսորդության ամենափառավոր հանդեսներ կպատրաստե Արաքսի ափերի մոտ։ (Րաֆֆի)
- կարգի բերել, հարդարել (կահավորել, զարդարել, մաքրել և այլն) ◆ մազերը, հագուստը, բեղերը պատրաստել ◆ Աշխենը քաշվեց իր նախկին սենյակը, որ Եվան առանձին խնամքով պատրաստել էր առաջվա նման։ (Նար-Դոս)
- որևէ գործի, գործունեության, աշխատանքի համար կազմ ու պատրաստ վիճակի բերել ◆ Նա հրաման արավ պետերին անմիջապես պատրաստել զորքը և ուղղվել դեպի Գեղ։ (Մուրացան)
- հանդերձել ◆ նավը, գնացքը պատրաստել մեկնելու ◆ Պատրաստել տուր նժույգները։ Դերենիկ Դեմիրճյան
- նյութել, լարել, հորինել ◆ դավ, ապստամբություն, որոգայթ պատրաստել
- սարել ◆ թակարդը, ծուղակը պատրաստել
- արհեստը, հմտությունը գործադրելով որևէ բան սարքել (կարել, կոփել, կռել և այլն) ◆ Արդյոք չի եղել, ր կոշկակարը նրա պարոնի պատվերով պատրաստի նաև կանացի կոշիկներ։ (Ակսել Բակունց) ◆ Նա դարբին էր. խաղաղ օրերին մանգաղներ ու խոփեր էր պատրաստում, իսկ այժմ՝ զենքեր։
- դարձնել, սարքել , մեկից մի բան դուրա բերել ◆ Կան դրություններ…որոնք հպարա Հերակլեսից Լյուդիայի թագուհու համար աղախին են պատրաստում: (Մուրացան)
- սովորեցնել, թելադրել, խրատել, վարվելու, գործելու, խոսելու և այլն պատվերներ տալ ◆ Նա իր կողմնակիցներին պատրաստել էր աղմկել հակառակորդների խոսելու ժամանակ։
- գցել, փռել, բացել, սփռել ◆ անկողին, սեղան պատրաստել
- որևէ հանձնարարություն, առաջադրանք և այլն կատարել, ավարտել ◆ Նա պատրաստեց նախագահի պահանջած փաստաթղթերը։
- վարժեցնել, մարզելով, վարժանքով և այլն նախապատրաստել որևէ բանի համար ◆ Քիչ ժամանակ էր մնագցել, որպեսզի հարկ եղածին պես պատրաստեր առաջիկա մրցարշավի համար։
Հոմանիշներ խմբագրել
- կազմել, հանդերձել, սարել, հազրել (գվռ.), գլուխ բերել (որևէ բան գործածելու, օգտգործելու համար պատրաստ վիճակի բերել)
- կազմակերպել, գոտեպնդել (կազմուպատրաստ վիակի բերել)
- սարքել, շինել, կերտել, կառուցել
- արտադրել, մշակել (արտադրանք տալ)
- նախապատրաստել, նյութել, մտածել (մտքով պատրաստվելմի բան անելու)
- նախապատրաստել, նախատրամադրել, տրամադրել, հակել, միտել (որևէ բան կանխատեսելով տրամադրել, տրամադրություն ստեղծել)
- սովորեցնել, ուսուցանել (անհրաժեշտ գիտելոքներ, հմտություններ և այն տալ)
- սովորել, սերտել (դասերը, դերը և այլն)
- եփել (ճաշ), թխել (թխվածք և այլն), եռացնել (խմելիք, թեյ, սուրճ և այլն)
- հավաքել, ամբարել (կեր)
- հարդարել, կարգի բերել (մազերը, բեղերը և այլն)
- նյութել, լարել (որոգայթ և այլն)
- դարձնել, սարքել (մեկից մի բան դուրս բերել)
- գցել, փռել, բացել, սփռել (անկողին, սեղան և այլն)
- վարժեցնել (մարզելով որևէ բանի նախապատրաստել)
Արտահայտություններ խմբագրել
- տե՛ս պատրաստվել
- հող պատրաստել
| Բաղադրյալ բառեր | |
| Թարգմանություններ | |
| |
Ստուգաբանություն խմբագրել
Աղբյուրներ խմբագրել
- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։