վնաս
Հայերեն
- ՄՀԱ՝ [vnɑs]
Դասական ուղղագրութեամբ՝ վնաս
վանկեր՝ վ(ը)•նաս
Ստուգաբանություն
խմբագրելՓոխառություն իրանական աղբյուրից. հմմտ. միջին պարսկերեն vinās, ավեստերեն gunāh:
Գոյական
- նյութական կորուստ
- ձախողում, գործի՝ աշխատանքի տուժում
- որևէ կարգի ձախողություն՝ փորձանք, չարիք, աղետ
- մարդկային ու նյութական կորուստներ, մահ ու ավեր ◆ Երկու կողմից էլ կատաղի ընդհարումներ, մեծ վնասներ ու կոտորածներ եղան։ (Մուրացան)
- դրամական տույժ, որ մեկը պահանջում է որպես հատուցում իր կրած կորուստի՝ արած ծախսերի և այլն
- աննպաստ հանգամանք՝ պարագա, անցանկալի բան ◆ Տիկինը մի առանձին վնաս չէր տեսնում, եթե հյուրերին հայտնի լիներ նրա գալուստը։ (Րաֆֆի)
- առարկայի կամ նրա մի մասի փչացում, վնասվածք
- վնասակար ազդեցություն՝ հետևանք ◆ «Քաղաքավարության վնասները» Հակոբ Պարոնյան
- ածականաբար օգտագործվում է էական բայի հետ՝ վնասակար նշանակությամբ ◆ Այս վիճակի մեջ սառը ջուրը վնաս է մարդուն։ (Ղազարոս Աղայան)
- (տնտգ․) ընկերության սեփական կապիտալի նվազում պատահական, ձեռնարկության սովորական տնտեսական գործունեության համար ոչ բնութագրելի գործարքների հետևանքով
- (պաշտանվ․) ունեցվածքի կորուստ
- (իրավգ․) դրամական չափման ենթակա բարոյական, ֆիզիկական, գույքային վնասը
Հոմանիշներ
խմբագրել- կորուստ, զիան (գվռ․)
- ձախողում, ձախողություն, ձախողանք, ձախողմունք
- աղետ, չարիք, դժբախտություն, արհավիրք, փորձանք, պատուհաս, զուլում (ժղ․)
- վնասվածք, վնասվածություն
- վնասակարություն, վնասաբերություն, վնասավորություն (հզվդ․)
Արտահայտություններ
խմբագրել- վնաս անել
- վնաս կրել, կորուստ ունենալ
- վնաս պատճառել
- մեկին վատություն անել, չարիք գործել՝ պատճառել
- վնաս բերել
- վնաս պատճառել՝ հասցնել
- վնասակար ազդեցություն ունենալ
- չարիք պատճառել
- վնաս գալ
- վնաս առաջանալ
- անախարժ լինել, որևէ կարգի տույժ հասցվել ◆ Ձեր պատվույն վնաս կուգա։ Հակոբ Պարոնյան
- վնաս չունի
- ոչինչ փույթ չէ, հոգ չէ
- գործածվում է եղանակավորող նշանակությամբ՝ ուշադրություն դարձնել հարկավոր չէ, առանձնապես մեծ բան չէ նշանակությամբ
- վնաս տալ
- վնաս պատճառել
- վնասակար ազդեցություն ունենալ
- նեղություն, անհանգստություն պատճառել ◆ Գիրք է, թող այդտեղ մնա, քեզ ի՞նչ վնաս է տալիս։
- վնասով ծախել՝ վաճառել - ապրանքն իր գնից կամ առքի գնից պակաս ծախել՝ վաճառել
- ի վնաս
- մեկին՝ մի բանի վնաս պատճառելով, մեկի՝ մի բանի համար վնասակար լինելով
- մեկի հաշվին, մեկի համար որպես կորուստ՝ կորցրած միավոր՝ գումար և այլն ◆ Խաղն ավարտվեց 3:0 հաշվով՝ ի վնաս հյուրերի։
- ի՞նչ վնաս - բան չկա, որևէ վնասակար բան չկա
| Ի արտաքին հոլովում | ||
| Եզակի թիվ | Հոգնակի թիվ | |
| Ուղղ. | վնաս(ը) | վնասներ(ը) |
| Սեռ. | վնասի | վնասների |
| Տր. | վնասի(ն) | վնասների(ն) |
| Հայց. | վնաս(ը) | վնասներ(ը) |
| Բաց. | վնասից | վնասներից |
| Գործ. | վնասով | վնասներով |
| Ներգ. | վնասում | վնասներում |
| Բաղադրյալ բառեր | |
| Թարգմանություններ | |
| |
Աղբյուրներ
խմբագրել- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Աշոտ Մարկոսյան, Տիգրան Դավթյան, Ամենագործածական տնտեսագիտական տերմինների բացատրական բառարան, Երևան, «Լեգալ Պլյուս», 2008 — 218 էջ։
- Դ․Ս․ Չիլինգարյան, Ե․Լ․ Երզնկյան, Պաշտպանական-անվտանգային տերմինների հայերեն-ռուսերեն-անգլերեն բացատրական բառարան, Գյումրի, «ՀՀ ՊՆ ռազմավարական հետազոտությունների ինստիտուտ», 2015 — 1196 էջ։
- Ա.Ս. Ոսկերչյան, Քրեաիրավական տերմինների արդի համառոտ բացատրական բառարան: Քրեական իրավունք, քրեադատավար. իրավունք, Երևան, «ԵԳԵԱ», 2004 — 184 էջ։